गोरखा समाचारदाता
गोरखा – गोरखाको स्थानीय तहहरुले अस्थायी शिक्षकहरुलाई अबकास दिने कार्यको थालनी गरेको छ ।
स्थानिय निकायले स्थायी शिक्षकहरुको पदस्थापनका लागि अस्थायी शिक्षकहरुलाई अबकास दिन शुरु गरेको हो ।
शिक्षा बिकास तथा समन्यव इकाई गोरखाले जिल्लाका ११ वटै स्थानियतहरुलाई स्थायी शिक्षकहरुको पदस्थापनका लागि नामावली पठाएसंगै स्थानीय तहहरुले सूचना जारी गरेर सामुदायिक बिधालयहरुमा कार्यरत कनिष्ठ शिक्षकहरुलाई अबकास दिन शुरु गरेको छ ।
इकाइले मंसिर ६ गते जिल्ला भित्रका स्थानीय तहहरुमा रहेको सामुदायिक बिधालयहरुमा शिक्षक सेवा आयोगबाट प्राथामिक तह तृतीय श्रेणीमा स्थायी नियुक्ती तथा पदस्थापनका लागि सिफारिस गरेको थियो । जिल्लाको पालुङटार नगरपालिका, आरुघाट गाउँपालिका, गण्डकी गाउँपालिका लगायतका गाउँपालिकाहरुले इकाईको पत्र अनुसार कनिष्ठ अस्थायी शिक्षकहरुलाई स्वतः अबकास हुने व्यवस्था मिलाउन बिधालयहरुलाई पत्राचार गरेको हो ।
पालुङटार नगरपालिकाका नगर शिक्षा अधिकृत बाबराम काराखेतीले अबसरका लागि सूचना जारी गरीएको जानकारी दिए । त्यस्तै आरुघाट गाउँपालिकाकाले पनि सूचना प्रकाशित गरि गाउँपालिका भित्रका सामुदायिक बिधालयहरुमा अस्थायी शिक्षक नियुक्तीको कनिष्टताको आधारमा स्थायी शिक्षक नियुक्तीको जानकारी गराएको छ ।
शिक्षा शाखा अधिकृत बिष्णु प्रसाद खनालद्धारा हस्ताक्षरीत सूचनामा स्थायी शिक्षक नियुक्त हुदा आफु हट्नुु नपर्ने कुनै कारण भए ३ दिन भित्र आबश्यक पुनराबलोकनका लागि निवेदन दिन समेत आग्रह गरिएको छ ।
गोरखामा ३७८ जना प्राथामिक बिधालय तहका शिक्षकहरुले स्थायी नियुक्ति पाएका छन् । उनीहरुको पदस्थापनासंगै जिल्लाका ११ वटा गाउँपालिकाका सामुदायिक बिधालयमा कार्यरत २७९ जना अस्थायी शिक्षकले जागिरबाट हात धुनु पर्ने छ ।
