गोरखा समाचारदाता
पोखरा – पारिवारीक निजी बन सघको गण्डकी प्रदेशको प्रथम अधिवेशनले जीवन विक्रम ठकुरीलाई निविरोध अध्यक्ष चयन गरेको छ । ठकुरीको अध्यक्षतामा २७ सदस्यीय नयाँ कार्य समिति समेत सर्वसम्मत चयन गरेका छन ।
समितिको उपाध्यक्षमा लुना थापा मगर, सचिव सन्तु सुवेदी, सह–सचिव दमनबहादुर गुरुङ, कोषाध्यक्षमा दुर्गाप्रसाद पराजुली रहनु चयन भएका छन भने सदस्यमा काविता अर्याल, हरिप्रसाद शर्मा, रत्ना भण्डारी, देवी विष्ट, वमबहादुर थापा, लिला दवाडी, इश्वरीप्रसाद भुसाल, इश्वर वानिया, गोपालकृष्ण भण्डारी, भरत कट्टेल, रश्मी बानिया, सम्भु थापा, दिपा अधिकारी, रमेश बानिया, गिता अधिकारी, सुभित्रा बास्याल, विष्णु गुरुङ चयन भएका छन ।
गण्डकी प्रदेशका उद्योग, पर्यटन, बन तथा वातावरण मन्त्री विकास लम्सालले अधिवेशनको उद्घाटन गर्दै आर्थिक समृद्धिका लागि प्राकृतिक श्रोत र साधानलाई भरपुर उपयोग गरिने तयारी भई रहेको जानकारी दिए ।
सरकारको “समृद्ध नेपाल सुखी नेपाली” अभियानलाई सफल बनाउन दिगो बन व्यवस्थापनसंगै रोजगार सिर्जना गर्नका लागि राष्ट्रिय र निजी बनको महत्वपूर्ण भूमिका रहने विश्वास व्यक्त गर्दै उनले वन पैदावार निकासीमा रहेको कानूनी अड्चनलाई सुलभ बनाइने बताए ।
खुमप्रसाद सुवेदीको अध्यक्षतामा भएको कार्यक्रममा सामुदायिक वन उपभोक्ता महासंघ नेपाल केन्द्रीय सदस्य प्रेम लामिछाने, महासंघ कास्कीका अध्यक्ष विश्वनाथ लामिछाने, मानव अधिकार कर्मी राजेश पराजुली, गैसस प्रदेश अध्यक्ष गोपाल खड्का लगायतले आ–आफ्नो धारणा राखेका थिए ।
अधिवेशनमा गण्डकी प्रदेशका बिभिन्न १० वटा जिल्लाका १ सय जना भन्दा बढी प्रतिनिधिको सहभागिता रहेको थियो ।