नायिका साम्राज्ञी राज्यलक्ष्मी शाहले अभिनय गरेको दोश्रो चलचित्र ‘ए मेरो हजुर २’ले राम्रो व्यापार गर्यो । यो चलचित्रबाट साम्राज्ञी स्टार भइन् । निर्देशक झरना थापाको डेब्यू चलचित्रमा काम गरेकी साम्राज्ञीले यसपछि भने आफूलाई चलचित्र बजारमा नयाँ तरिकाले उभ्याउने कोशिश गरिन् ।
झरनाले यसपछि ‘ए मेरो हजुर ३ र ४’ निर्माण गरिन्, तर साम्राज्ञीसँग उनको सहकार्य हुन सकेन । छायांकनदेखि नै देखिएको आन्तरिक मनमुटावका कारण झरना र साम्राज्ञीको सम्बन्ध अहिले सुमधुर छैन ।
चलचित्र रिलिजका क्रममा साम्राज्ञी र झरना अष्ट्रेलिया पनि पुगेका थिए । तर, उनीहरुले कामलाई निरन्तरता दिन भने सकेनन् ।
