गोरखा । यो आर्थिक बर्षको पहिलो १ महिनामा करिब ७ हजार जनाले गोरखा संग्रालय अवलोकन गरेका छन् ।
संग्रालयको साउन महिनामा मात्रै कुल ६ हजार ८१० जनाले अवलोकन गरेको गोरखा संग्रालयका प्रमुख जित नारायण कार्कीले बताए ।
सदरमुकामको ठूलो आँगनमा रहेको ऐतिहासिक तथा पुरातात्विक दरर्वार भित्र रहेको उक्त संग्रालयमा सबैभन्दा धेरै नेपाली पर्यटकहरुले अवलोकन गरेको प्रमुख कार्कीले जानकारी दिए ।
साउनको ३१ दिनमा ५ हजार ७५८ जना सर्व साधारण नेपालीले संग्रालयको अवलोकन गरेका छन् ।
त्यस्तैगरी, सोही अवधिमा ९६६ जना नेपाली बिधार्थी, तेस्रो देशका ६१ जना पर्यटक र २५ जना सार्क राष्ट्रका पर्यटकले संग्रालयको अवलोकन गरेका छन् ।
संग्रालय प्रशासनले दिएको जानकारी अनुसार अधिल्लो बर्षको सोही अवधिमा ७ हजार २४७ जनाले संग्रालयको अवलोकन गरेका थिए ।
यो बर्ष बर्षाका कारण संग्रालय अवलोकन गर्नेको संख्यामा कमी आउनुको मुख्य कारण भएको प्रशासनले जनाएको छ ।
यो आर्थिक बर्षको पहिलो १ महिनामा अवलोकन कर्ताहरुबाट १ लाख ७२ हजार ३५० रुपैयाँ राजश्व संकलन भएको लेखा शाखाले जानकारी दिएको छ ।
तात्कालिन राजा राजेन्द्र बिक्रम शाहको पालामा बिक्रम संम्बत १८९६ सालमा निर्माण भएको उक्त दरर्बार ६८ रोपनी क्षेत्रफलमा फैलिएको छ । नेपाली ईतिहासमा राज परिवारले बनाएको यो नै अन्तिम दरर्बार हो ।
पंञ्चायत कालमा जिल्ला भित्रका सबै सरकारी कार्यालय रहेको यो दरर्बारमा बिक्रम संम्बत २०६५ साल जेठ १९ गते विधीवत रुपमा संग्रालयको रुपमा खुल्ला गरीएको हो । संग्रालय बाहिर भने करिब ३०० प्रजातिका बोट बिरुवाहरु देख्न पाइन्छ ।
दरर्बारको बिच भागमा रहेको १२ वटा कोठामा नेपाल एकिकरणका पिता एवं तात्कालिन राजा पृथ्वीनारायण शाहका ४४ हात १६ अंगुल लामो चिना, उनले तात्कालिन अबस्थामा लडाइमा प्रयोग गरिएका हात हतियार, दिब्य उपदेश, भाँडा बर्तनका साथै सोही बेला प्रयोगमा आएको मोहर (सिक्का–पैसा), लिच्छबी कालिन चैत्यहरुका साथै विभिन्न जातजातिलाई दर्शाउने गरगहना तथा भेषभूषा र बाजागाजाहरु प्रर्दशनमा राखिएको छ ।