काठमाडौं– अभिनेत्री ऋचा शर्माले बिहिबार आफ्नो बर्थडे सेलिब्रेट गरिन् । उनको जन्मदिनको मौकामा सामाजिक सञ्चालमा सयौंले शुभकामना व्यक्त गरे ।
नेपाली चलचित्र क्षेत्रमा आफ्नो बेग्लै पहिचान बनाउन सफल अभिनेत्री शर्मा पछिल्लो समय कमेडी रियालिटी शोमा निर्णायकको रुपमा समेत प्रस्तुत भइन् ।
अघिल्लो वर्ष वैवाहिक जीवनमा बाँधिएकी यी अभिनेत्रीले निकट भविष्उमम्र एपमार्फत नेपाली चलचित्र प्रदर्शन गर्ने महत्वाकांक्षी योजनालाई समेत मूर्त रुप दिँदैछिन् ।
यसैबीच आफ्नो जन्मदिनको अवसरमा सामाजिक सञ्जालमार्फत शुभकामना व्यक्त गर्ने सम्पूर्णप्रति आभार व्यत्तः गर्दै अभिनेत्री शर्माले फेसबुक तथा ट्वीटरमा एउटै स्टाटस लेखेकी छिन् ।
ऋचाले लेखेकी छिन् :
‘जन्म र मृत्यु एउटा असीम सत्य । यो बीचको भावानात्मक सम्बन्धले जीवन रहुन्जेल जिउन प्रेरित गर्छ। यस यात्राबीच तपाईंहरु सम्पूर्णले दिनुभएको शुभेच्छा, आशीर्वाद, हौसला, प्रेरणा, सुझाव, मार्गदर्शन, माया र साथप्रति प्रत्येक वर्ष झैँ कृतञ र ऋणी छु। अझै धेरै सिक्नु छ, सधैं तपाईंहरुको विश्वास पाउनु छ । म लड्न खोज्दा यसरी नै सधैं सम्हालिदिनु होला । अल्मलाए बाटो देखाइदिनु होला । भूल गरे क्षमा गरीदिनुहोला, थोरै यसरी सँगै पीड़ा बाडौ, थोरै खुलेर सँगै हाँसौ । जन्मदिन को शुभकामना दिनु हुने सबै मा धेरै धन्यवाद ।’
