गोरखा समाचारदाता
गोरखा – नेपाली कम्युनिष्ट पार्टी नेकपाका नेताहरुले बर्तमान सरकार इतिहासकै सबै भन्दा बढि सफल रहेको दाबी गरेका छन् ।
जिल्ला सदरमुकाम र आरुघाट गाउँपालिका–१ मा भएको छुट्टा छुट्टै शुभ कामना आदान प्रदान तथा चियापान कार्यक्रममा बोल्दै नेकपाका नेताहरुले दुई तिहाइ बहुमतको बर्तमान सरकारले इतिहासमै उदाहरणीय काम गरेको दाबी गरेका हुन् । ‘इतिहासमै पहिलो पटक दुबै छिमेकी सँग समान सम्बन्ध राख्दै बर्तमान सरकारले जन पक्षिय हिसाबले काम गरिरहेको छ’ नेकपाका प्रवक्ता नारायणकाजी श्रेष्ठले भने ‘यस अघि कहिल्यै सुरुङ मार्गको कुरा भएको थियो ? पानी जहाज र रेलका कुरा भएका थिए ? यी सबै हाम्र्रै पालामा हुन्छन्, नेकपा नेतृत्वकै सरकारले गर्छ ।’
मित्र राष्ट्रहरुको सहयोगमा राष्ट्रिय गौरबका ठूला आयोजना, केन्द्र, प्रदेश र स्थानीयतहको समन्वयमा अन्य विकास निर्माणका कामहरु एक साथ अगाडी बढाइएकाले अबको केही वर्ष भित्र देशले काँचुली फेर्ने उनको दाबी छ । सडक सञ्जाल नपुगेको उत्तरी गोरखाको मान्बुमा पुगेका उनले सो क्षेत्रका बिकासका लागि राज्यका तिनवटै सरकार प्रतिवद्ध भएर लागेको बताए ।
कार्यक्रममा बोल्दै गण्डकी प्रदेशका प्रवक्ता एवं भौतिक पूर्वाधार बिकास मन्त्री रामशरण बस्नेतले प्रदेश सरकारले योजनवद्ध ढङ्गले जनताका काम गरिहेको बताएका छन् । बिकास निर्माणका कामलाई सन्तुलित रुपमा अगाडी बढाउने योजना अनुसार उत्तरी गोरखालाई विशेष प्राथमिता दिइएको उनको दाबी छ । ‘बिकास स्वाद सहरमा बस्ने मानिसहरुले मात्र लिने होइन्, दुरदरारमा बस्ने तपाई हामी सबैले चाख्नपाउनु पर्छ’ उनले भने ‘त्यसैले यहाँको सडक, खानेपानी एवं अन्य भौतिक पूर्वाधारको बिकासका लागि सरकारले करोडौंका योजना अगाडी सारेको छ ।’
सोती मान्बु हुँदै केरौंजा काशिगाउँजाने सडकको स्तरउन्नती गर्ने, गण्डकी नदीमा मोटरेबल पुल बनाउने, सो क्षेत्रका हरेक नागरिकको घरमा स्वच्छ पिउने पानी उपलब्ध गराउने, शिक्षा, स्वास्थ्य लगायतका विभिन्न र्शीषकमा बजेट बिनियोजन गरी काम सुरु गरिएको उनको भनाई छ ।
उत्तरी गोरखा हुँदै चिन जोड्ने बेनीघाट आरुघाट लार्के भञ्जाङ सडक निर्माणको काम छिटो सम्पन्न गर्नका लागि केन्द्र सरकारसँग आवश्यक समन्वय भइरहेको मन्त्री बस्नेतले बताए । यसैगरी जिल्ला सदरमुकाममा भएको कार्यक्रममा बोल्दै नेकपाका गण्डकी प्रदेश अध्यक्ष हितराज पाण्डेले बिकास निर्माणका काममा निग्ररानी राख्न नेताकार्यकतालाई आग्रह गरेका छन । ‘अहिले राज्यका तिन वटै तहले तिब्र रुपमाबिकास निर्माण अगाडी बढाइरहेका छन्’ उनले भने ‘यही मौकामा हामीलाई बदनाम गराउन थुप्रै अनियमिताहरु भएका हुन सक्छन्, त्यसलाई हामी नेता कार्यकताले निगरानीमा राख्नु पर्छ ।’
कार्यक्रममा प्रतिनिधि सभा सदस्य हरिराज अधिकारीले सरकारले चालु आर्थिक वर्षलाई समृद्धिको आधार वर्षको रुपमा लिएको भन्दै आगामी वर्ष बिकासले थप गतिलिने बताए । सो का लागि आवश्यक स्रोत साधन जुटाउन बर्तमान सरकार लागि परेको सांसद अधिकारीको भनाई छ । ‘हामीले यो वर्षलाई समृद्धिको आधार वर्ष मानेका छौं’ उनले भने ‘देशलाई समृद्धिको दिशामा लैजाने काममा सरकार पूर्ण रुपले सफलभएको छ ।’
नेकपाका जिल्ला अध्यक्ष एवं गण्डकी प्रदेशका भूमी व्यवस्था कृषि तथा सहकारी मन्त्री लेखबहादुर थापाले सरकारले कृषिलाई व्यवसायीकरण गर्दै नागरिकको जिवन स्तर उकास्ने निति लिएको बताएका थिए ।
कार्यक्रममा प्रतिनिधि सभा सदस्य चुडामणी खड्का, नेकपाका केन्द्रिय सदस्य कृष्ण धिताल, प्रदेश सदस्य संझना देबकोटा, नेपाली काँग्रेस जिल्ला सभापती हरिबहादुर घले, समाजवादी पार्टीका जिल्ला अध्यक्ष नारायण खत्री, जिल्ला समन्वय समितिका प्रमुख अशोककुमार गुरुङ, पत्रकार महासंघका अध्यक्ष किशोरजंग थापा सहित जिल्लामा क्रियाशिल राजनितिक दलका शीर्ष नेताहरुले शुभ कामना मन्तव्य राखेका थिए ।
