गोरखा समाचारदाता
गोरखा – नेपालीहरुको महानचाड दिपावली नजिकिदै गर्दा प्रशासनले सर्वसाधरणलाई सचेत गराएको छ ।
जिल्ला प्रशासन कार्यालयले सार्वजानिक सूचना जारी गर्दै तिहारको अवसरमा कुनै पनि अवाञ्छित क्रियाकलाप नगर्न चेतावनी दिएको हो । ‘चाडपर्व भनेका हाम्रा धरोहर हुन, यसलाई राम्रो ढङ्गले मनाउनु पर्छ’ प्रमुख जिल्ला अधिकारी देबेन्द्र लामिछानेले भने ‘पटका पड्काउने, जुवातास खेल्ने खेलाउने गरिएको भेटिएमा हामी कानून अनुसार कडा कारवाही गर्छौं’ जारी सूचनामा भनिएको छ ।
तिहार पर्वलाई सभ्यभएर मनाउन आग्रह गरेको छ । प्रशासनले नकारात्मक असर हुने गरी भड्किलो रूपमा गीत उत्पादन तथा प्रशारण नगर्न भनेको हो ।
सूचना जारी गर्दै तिहारमा हुने देउसी भैलोलाई मनोरञ्जनात्मक रूपमा प्रयोग गर्न पनि अपिल गरिएको छ । देउसी भैलो जस्ता सांस्कृति कार्यक्रम पनि राती १० बजे सम्ममात्र गर्न प्रशासनले अनुरोध गरेको छ ।
लागू पदार्थ तथा जुवातासलाई रोक लगाएकाले विकृत भन्दा सद्भावका रूपमा मनाउन आग्रह गरेको छ । पटका र आतिसवाजी जस्ता विस्फोटक पदार्थको बिक्री तथा प्रयोग नगर्न भनेको छ । यदि कसैले गैर कानुनी काम गरे कानून अनुसार कारबाही गर्न मातहतका निकायलाई निर्देशन दिइएको जिल्ला प्रहरी कार्यालय गोरखाले जानकारी दिएको छ ।
