कैलासबावु श्रेष्ठ/गोरखा
माघ ५ गते । गोरखाको ऐतिहासिक तथा पुरातात्विक क्षेत्र लिगलिगमा देशकै सबै भन्दा ठुलो नेपाली झण्डा राखीएको छ ।
साविक आँपपिपल गाउँ विकास समिति हालको पालुमटार नगरपालिका २ मा पर्ने उत्त क्षेत्र तात्कालिन अवस्थामा राजा द्रब्य शाहले दौड जितेर राजा भएको ईतिहास पाइन्छ । सोही स्थानमा स्थापना गरीएको नेपालकै ठुलो राष्ट्रिय झण्डा ४० फिट अग्लो झण्डा राखीएको पालुमटार नगरपालिका मेयर ईन्जिनियर दिपकबावु कडे्लले जानकारी दिएको छ ।
तल्लो कोटको नाम बाट परिचित उत्त स्थानका साथै संगै रहेको लिगलिगकोटलाई नेपाल र नेपाल बाहिर परिचय गराउने र पर्यटकलाई आकर्षित गर्न नेपालकै ठुलो झण्डा राखीएको हो । उत्त झण्डालाई गोरखाका साथै तनहुँ र लमजुङ्ग जिल्लाबाट सहजै देख्न सकिन्छ ।
झण्डा स्थापना गनुपूर्व सामान्य पर्यटक आउने उत्त क्षेत्रमा अहिले दैनिक जसो ५ सयको हाराहारीमा मानिसहरु आउन थालेको स्थानिय अशोक गान्धारीले बताए ।
नगरपालिकाको ८ लाख खर्चमा निर्माण भएको उत्त झण्डा हेर्नका लागि ठाँटीपोखरी बजार देखी ८ किलो मिटर सडक पार गरे पछि पुग्न सकिन्छ । झण्डालाई राती पनि सहजै देख्न सकिने गरी केही दिन भित्रै उच्च प्रकाशको ब्यवस्था गरीने नगरपालिकाले जानकारी गराएको छ ।
सडक सुविधा समेत रहेको उत्त स्थान सम्म पुग्दा समुन्द्र सतह देखी ७ हजार फिट अग्लो स्थानमा पुगिन्छ । उत्त स्थानबाट गोरखाका साथै लमजुङका मनोरम हिमाल दृष्यबलोकन गर्न सकिन्छ भने तनहुँको समथर फाँटहरुलाई समते अवलोकन गर्न सकिन्छ ।
कोट र घाटहरुको धनी रहेको पालुमटार पुग्दा तात्कालिन अवस्थामा राजा हुनका लागि दौड शुरु गरीने चेपेघाट समेत अवलोकन गर्न सकिन्छ । 
लिगलिग कोट
झण्डा हेर्न जानका लागि प्रयोग गरीने बाटो
