काठमाडौंः प्रधानमन्त्री पुष्पकमल दाहाल प्रचण्ड र प्रमुख प्रतिपक्षी दल नेकपा एमालेका अध्यक्ष केपी शर्मा ओलीबीच भेटवार्ता भएको छ।
प्रधानमन्त्रीको सरकारी निवास बालुवाटारमा सोमबार साँझ भएको भेटमा दुई नेताबीच बैठकमा संविधान संशोधन, स्थानीय तहको निर्वाचनलगायतका विषयमा पनि छलफल भएको बालुवाटार स्रोतले जनाएको छ। भेटमा प्रधानमन्त्री प्रचण्डले गर्ने भनिएको चीन भ्रमणका विषयमा पनि कुराकानी भएको बताइएको छ।
एमाले अध्यक्ष ओली मेची महाकाली राष्ट्रिय अभियान अन्तर्गत कपिलबस्तुको जितपुरमा आयोजित सभालाई सम्बोधन नगरी विशेष कामका लागि भन्दै सोमबार दिउँसो अकस्मात काठमाडौं फर्किएका थिए। काठमाडौं फर्किए लगत्तै अध्यक्ष ओली प्रधानमन्त्री प्रचण्डलाई भेट्न बालुवाटार पुगेका हुन्।
annapurnapost