नबीन अंकुर लामीछाने/बेसीशहर
फागुन ७ गते । ६७ औं प्रजातन्त्र दिवसको अबसरमा नेपाल बिद्यार्थी संघ मस्र्याङ्दी बहुमुखी क्याम्पस ईकाईले दीप प्रज्ववलन कार्यक्रम आयोजना गरेको छ । सदरमुकाम बेसीशहरको भिमसेनास्थानचोकमा आयोजना गरीएको सो कार्यक्रममा नेपाल भूपू सैनिक संघका केन्द्रीय सदस्य नारायणबहादुर सुयेंल प्रमुख अतिथि रहनुभएको थियो । 
कार्यक्रममा उहाँले नेपालमा जहाँनीय राणाशासनको अन्त्य प्रजातन्त्र स्थापनाका लागि काँग्रेसले संघर्ष गरेको बताउँदै काँग्रेसको भातृ संस्था भएको नाताले नेबिसंघले दीप प्रज्ववलन गर्नु सराहनीय भएको बताउनु भयो ।
उहाँले नेबिसंघले यस्तै रचनात्मक क्रियाकलाप गरेर बिद्यार्थीको मन जित्न समेत सुझाव दिनुभयो ।
नेबिसंघ कार्यबाहक अध्यक्ष शिब नरालले नेपालमा प्रजातन्त्रीक ब्यवस्था शुरु गर्नका लागि अग्रजहरुले रगत र पसिना बगाएको बताउँदै नेबिसंघले त्यो संघर्षको सम्मान गर्ने बताउनुभयो । 
मस्र्याङ्दी बहुमुखी क्याम्पसका स्वबियु सभापतिका उम्मेद्वार सञ्जय गुरुङले यूवा बिद्यार्थीले लडेर ल्याएको प्रजातन्त्रको संरक्षण र प्रजातान्त्रिक संस्कारको स्थापना गर्ने जिम्मेवारी नयाँ पुस्तामा आएको बताउँदै नेबिसंघले त्यो ऐतिहाँसिक जिम्मेवारी पुरा गर्न कुनै कसर बाँकी नराख्ने बताउनुभयो ।
नेबिसंघ मस्र्याङ्दी बहुमुखी क्याम्पस ईकाईका सभापति सन्दीप गुरुङको अध्यक्षतामा भएको कार्यक्रममा नेपाल दलीत संघका जिल्ला अध्यक्ष गोपाल खाती, नेपाली काँग्रेस बेसीशहर नगरसमितिका सचिब बिमल श्रेष्ठ, नेबिसंघका पूर्वसचिब दीपक अधिकारी लगायतको उपस्थिति रहेको थियो ।
