नबीन लामिछाने/मनाङ
माघ २३ गते । खासै तरकारी बाली उत्पादन नहुने मनाङमा हिमाली परियोजनाको सहायता पाएपछि व्यवसायिक तरकारी खेतीतर्फ मोह पलाएको छ ।
देशका विभिन्न १० वटा जिल्लाका उच्च हिमाली भेगहरुमा बाली, पशुपालन तथा जडिबुटीको क्षेत्रमा लगानी गरी त्यस क्षेत्रका बासिन्दाहरुको आयवृद्धि गर्ने र जिविकोपार्जनमा दीगो सुधार ल्याउने उद्धेश्यले सञ्चालित हिमाली आयोजनाको सहयोगमा व्यवसायिक तरकारी खेती सुरु गरिएको हो ।
आयोजनाले आफ्नै बारीमा विभिन्न प्रजातिका तरकारी बाली उत्पादन गरी आयवृद्धि र जिविकोपार्जनमा दीगो सुधार ल्याउन भन्दै पिसाङ गाउँमाका स्थानीयलाई १७ लाख अनुदान उपलब्ध गराएको थियो ।

ज्यादै चिसोका कारण तरकारी खेती हुन नसकेपछि स्थानीयले ग्रीन हाउस निर्माण गरि गोलभेंडा, काउली, बन्दा, खुर्सानी, गाँजर, मुला, लसुन, सिमि, केराउ, क्याप्सिकोन, कांक्रो, घिरौला, रायो लगायतका तरकारी बालीहरु उत्पादन गरेका छन् ।
गोलभेडा प्रतिकेजी २ सय ५० देखि ३ सय सम्म खर्चेर महंगोमा किनेर खानुपर्ने बाध्यतामा रहेका मनाङवासी स्थानीय उत्पादन प्रतिकेजी १ सय ६० मै पाउने भएपछि भने निकै लाभान्वित भएका छन् ।
हिमाली परियोजनाले हिमालपारीको जिल्ला मनाङमा मात्रै १९ वटा उपआयोजनाहरु संचालनमा ल्याएको छ । जसमध्ये १२ आयोजनाबाट मात्रै उत्पादन भइरहेको छ भने अन्य आयोजनाहरु संचालनको तयारीमा रहेका छन् । मनाङमा मात्रै हिमाली आयोजनाको ५ करोड र स्थानिय किसानको ३ करोड गरी कुल ८ करोडको लागतमा काम भईरहेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए