माघ २१, २०७३- मधेसी जनअधिकार फोरम लोकतान्त्रिकका अध्यक्ष विजयकुमार गच्छदारले आफू मधेस विरोधी नभएको दाबी गर्दै आफ्नो लागि मधेसभन्दा ठूलो देश भएको टिप्पणी गरेका छन् ।

‘मेरो लागि म भन्दा ठूलो मेरो पार्टी हो, मेरो पार्टी भन्दा ठूलो मधेस हो र मधेस भन्दा ठूलो देश हो’, उनले भने, ‘म कुनै मधेस केन्द्रित नेताभन्दा कम मधेसवादी र कुनै पनि पहाडी भन्दा कम राष्ट्रवादी छैन ।’

गच्छदारले तीन ठूला दलको नेतृत्व असफल भइसकेको जिकिर गर्दै उनीहरुले सत्ता छाड्नुपर्ने धारणा राखे । परिमार्जनसहित संविधान संशोधन गर्न आफूले मध्यमार्गी भूमिका निर्वाह गरिहेको बताउँदै उनले ८ प्रदेश बनाएर सीमांकन समस्या समाधान गर्नुपर्ने बताए ।

००७ सालको क्रान्तीदेखी हाल सम्म काग्रैस,एमाले माओवादीले देशको नेतृत्व् गरेको बताउदै गच्छदारले तिन ठुलादलको नेतृत्व असफल भईसकेको जिकिर गरे ।

सप्तरी सदरमुकाम राजविराजमा शुक्रबार फोरम लोकतान्त्रिकद्वारा आयोजित अगुवा कार्यकर्ता भेलालाई सम्बोधन गर्दे गच्छदारले भने,‘मधेस आन्दोलनलाई पुर्नजीवन दिने काम मैले गरेको हुँ ।’

उनले मधेसको माग लिएर आफूले ४० दिनसम्म संसद अवरुद्ध गरेको भन्दै आफूलाई मधेस विरोधी नभन्न आग्रह गरे ।