कैलासबावु श्रेष्ठ/गोरखा
कार्तिक ३० गते । नेपाल सरकारले ०७३ चैत्रमा गर्ने भनिएको चुनाबलाई लक्षित गरी गोरखामा पनि मतदाता नामावली संकलन तथा अद्यावधिक गर्ने काम थालेको छ ।
०७३ असोज मसान्त सम्ममा १८ बर्ष पूरा गर्ने सर्व साधारणको नाम मतदाता नामावलीमा समावेश गर्ने गरी जिल्ला भरी अभियान सञ्चालनमा ल्याएको जिल्ला निर्वाचन कार्यालय गोरखाका निर्वाचन अधिकृत राजेन्द्र प्रसाद पोखरेलले जानकारी दिनु भयो ।
जिल्ला भरी ८ समूह गरी कर्मचारी परिचालन गरीएको र यो कार्य मंसिर मसान्त सम्म मात्र जारी रहने कार्यालयले जानकारी दिएको छ । सम्वन्धीत गाउँ बिकास समितिको सचिव संयोजक रहने सचिवले नै एक एक जना निशिका र कार्यालय सहयोगी राख्ने गरी जिल्ला भरी काम हुन लागेको हो ।
‘निर्वाचन आयोग बाट जति सक्दो छिटो काम सक्न निर्देशन भएकोले हामीले कार्तिक २५ गते बाट काम थाल्यौ’भन्नु हुन्छ जिल्ला निर्वाचन कार्यालय गोरखाका निर्वाचन अधिकृत पोखरेल । पोखरेलका अनुसार सबै गाबिस र नगरपालिकाको वडामा २÷२ दिन काम मतदाता नामावली संकलन तथा अद्यावधिकको काम हुने छ ।
जिल्ला निर्वाचन कार्यालय गोरखाले सार्वजनिक गरेको विवरण अनुसार कार्तिक १८ गते सम्ममा गोरखा जिल्लामा १ लाख ६८ हजार ९ सय २ जनाले मतदान गर्न सक्ने भएका छन । जस मध्ये ८६ हजार ६ सय ५ जना महिला र ८२ हजार २ सय ९६ जना पुरुष मतदान गर्न योग्य भएको देखीन्छ । साथै जिल्लामा १ जना तेश्रो लिंङ्गीले पनि आफ्नो समावेश गराएको छ ।
नामावली संकलन र फोटो खिच्ने काम भने विगतमा भएको मतदान केन्द्रमा नै हुने कार्यालयले जानकारी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए