कैलासबावु श्रेष्ठ/गोरखा
कार्तिक २४ गते । राज्य पुनःसंरचना अन्तिम चरणमा पुगे लगत्तै गोरखामा भने पुनःसंरचनाको बिरोध हुन थालेको छ । स्थानिय गाउँले र विज्ञ संग बिना परामर्श राजनैतिक प्रभावको आधारमा मात्र निर्धारण गरीएको पुनःसंरचनाको बिषयलाई लिएर सर्व साधारणहरुले बिरोध गर्न थालेका हुन ।
राजनैतिक दल र स्थायिन पुनःसंरचना जिल्ला प्राविधिक सहयोग समिति बिच सहमती भै केन्द्रमा राय पठाउना साथ जिल्लामा भने त्यसको चर्को विरोध हुन थालेको हो । बिरोध स्वरुप सोमबार मात्रै बारपाक गाउँ बिकास समितिका सर्व साधारणहरु गोरखा सदरमुकाम आएर आफुहरुलाई सुलिकोट गाउँ पालिकामा राखीएता पनि त्यसको केन्द्र ताकुकोट भने अपायक पर्ने भन्दै विरोध गरेकै भोली पल्ट सोही गाउँ पालिका भित्र पर्ने सौरपानीका सर्व साधारणहरुले केन्द्र आफुहरुलाई पनि अपायक पर्ने र विगत देखी नै त्यस क्षेत्रको केन्द्र सौरपानी मानिदै आएकोले अहिले पनि सो गाउँ पालिकाको केन्द्र सौपानीमा नै रहनु पर्ने माग गरेका थिए ।
यसै बिच देशै प्रसिद्व धार्मिक तिर्थ स्थल रहेको मनकामना गाउँ बिकास समितिका सर्व साधारण तथा स्थानिय राजनैतिक दलका प्रतिनिधीहरुले आफुहरुलाई सहिद लखन थापा गाउँ पालिकामा राखीएकोमा खुशी ब्यक्त गरेता पनि केन्द्र भने घैरुङ्गमा राख्दा सबै काममा समस्या हुने भन्दै उत्त क्षेत्रको केन्द्र मनकामनालाई बनाउनु पर्ने भन्दै गाबिस सचिब मार्फत मंगलबार विरोध पत्र स्थायिन पुनःसंरचना जिल्ला प्रावित्रिक सहयोग समितिमा बुझाईएको छ ।
यता सोही गाउँ पालिकामा समावेश गरीएको गोरखा नगरपालिका संग जोडिएको बुंकोट गाउँ बिकास समितिका सर्व साधारणहरुले बिरोध गर्न थालेका छन । उनीहरु पनि जिल्ला सदरमुकाम आएर बिरोध गर्न तयारी रहेको भन्दै तत्लकालै सच्याएर आफुहरुलाई गोरखा नगरपालिकामा समावेश गर्न आग्रह गरेका छन ।
सर्व साधारणको चासोको विषयलाई लिएर स्थानिय विकास अधिकारी एवं स्थायिन पुनःसंरचना जिल्ला प्राविधिक सहयोग समितिका संयोजक नारायण भट्टले भन्नु भयो ‘हामीले सिफारीस गर्ने मात्र हो । निर्णय गर्ने होइन । सवैको रचानात्मक सहयोग आएको खण्डमा हामीले त्यस्ता सबै रायलाई केन्द्रमा पठाउने छौ । अन्तिम निर्णय गर्ने अधिकार नेपाल सरकारको हो । त्यो निर्णय हामीलाई उपयुक्त नलागे भोली पनि पुनरावेदन अदालतमा जान पाउने भएका कारण विरोध गरी हाल्नु पर्ने अवस्था नरहेको’ बताउनु भयो । अझै पनि कुनै पनि राय सुझाब आएको खण्डमा केन्द्रमा सिफारीस गर्न आफु तयार भएको भन्दै भट्टले हल्ला भन्दा राय सुझाब दिनु भए असल काम हुने बताउनु भयो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए