कैलासबावु श्रेष्ठ/गोरखा
कार्तिक २३ गते । लामो समय देखी किसानी पेसा गरेका गोरखाका किसानहरुलाई सम्मान गरीएको छ । उनीहरुलाई मंगलबार परेको विश्व खाद्य दिवशको अवशरमा गोरखा सदरमुकाममा सम्मान गरीएको थियो ।
३६ औं विश्व खाद्य दिवशको अवशरमा गोरखा सदरमुकामा आयोजित कार्यक्रमका प्रमुख अतिथी प्रमुख जिल्ला अधिकारी नारायण प्रसाद भट्टले विभिन्न क्षेत्रमा काम गर्दै आउनु भएका किसानहरुलाई नगद र प्रमाण पत्र दिएर सम्मान गरीएको थियो ।
भट्टले किसान सर्जक भएकै कारण उनीहरुले उत्पादन गरेका सबै बस्तु हामीले प्रयोग गर्न पाएको र जिवन निर्वाह गरीरहेको भन्दै गाउँमा रहेकाहरुलाई पनि थप प्रेरणा हुने गरी काम गर्न अनुरोध गनु भएको थियो ।
आज भएको कार्यक्रममा राष्ट्रपति उत्कृष्ट कृषकको रुपमा जिल्लाका विभिन्न ३ कृषकलाई सम्मान गरीएको थियो । सम्मानित हुने कृषकहरुमा गुम्दा गाउँ बिकास समिति–२ सिंगलाका कुमार बहादुर गुरुङ्ग सम्मानित भएको थियो भने सोही कार्यक्रममा ताङलीचोक–२ याङ्गदीका डिल बहादुर थापा र तान्द्राङ्ग–१ टारीफाँटका पूर्ण बहादुर परियार सम्मानित भएका थिए ।
कार्यक्रममा ब्यवसायिक उद्यमी उत्कृष्ठ कृषक अन्रतर्गत केराबारी गाबिस १ कोजेका गंगा प्रसाद गुरुङ्ग, तान्द्राङ्ग–५ खतुनेका राममाया लामिछाने, ताङलीचोक–गवटारका छायाँ दक्त पन्त, हर्मी– का होम बहादुर कटुवाल, खोप्लाङ्ग–६ साउतेका बुद्वि बहादुर कुमाल र गोरखा नगरपालिका ९ की सिता दराईलाई नगर र प्रमाण पत्र दिएर सम्मान गरीएको थियो ।
त्यस्तै गरी सम्मानित हुनेहरुमा हंशपुर–१ लप्सीबोटका कृण्ण जंङ्ग घिमीरे, सौरपानी–९ रन्चोकका सुक बहादुर गुरुङ्ग, मुच्चोक–७ मुच्चोकटारका भद्र प्रसाद देवकोटा, छोप्राक–७ देउराली डाडाँका शिव प्रसाद देवकोटा, हंशपुर–१ घोगिनीका विण्णु प्रसाद अधिकारी, छोप्राक–८ थापपाटाका नरेन्द्र ठकुरी, भूम्लीचोक–२ चिसापानीका मोहन गुरुङ्ग नगद र प्रमाण पत्र सहित सम्मानित भएका छन भने घ्याल्चोक–९ भिमसेन स्थानकी सिता अधिकारी, देउराली–९ भट्टबेशी सुनिल थापा र गोरखा नगरपालिका–१४ नारेश्वरका सित्तलबावु श्रेष्ठ समेत कार्यक्रममा सम्मानित भएका थिए ।
कार्यक्रममा ‘भई रहेछ जलबायु परिवर्तन, गर्नुछ खाद्य र कृषिमा अनुकूलन’ नामक मावि स्तरीय निबन्ध प्रतियोगितामा प्रथम, द्वितिय, तृतिय र सान्त्वना हुने क्रमश.बाल मन्दिर माबिकी बिण्णुमायाँ अच्छामी, द ओल्ड क्यापिटल उमाविकी प्रजिता पौडेल, रत्नराज्य माविकी सुजिता खड्का र नव ज्योति माविका अनुपम नेपालीलाई समेत कार्यक्रममा नगद र प्रमाण पत्र प्रदान गरीइएको थियो ।
सोही कार्यक्रममा जिल्ला पशुसेवा कार्यालय गोरखाले जिल्ला भित्रका ३ उत्कृष्ठ कृषकहरुलाई सम्मान गरेको छ ।
सम्मान हुनेहरुमा पालुङटार नगरपालिका–३ च्याङ्गलीमा ठुलो संख्यामा गाई पाल्दै आउका कामधेनु गाई फर्मका सञ्चालक राजेन्द्र राज पन्त, बुंकोट गाबिस–८ मा बाख्रापालन गर्दै आएको यूनिभर्सल गोट फार्मका सञ्चालक कपिल अंगाई र आरुचनौटे गाबिस–५ आरुघाटमा बंगुर पाल्दै आएको गण्डकी कृषी सहकारी संस्था लि.का यम प्रसाद ढकाललाई पनि नगद र प्रमाण पत्र सहित सम्मान गरीएको थियो ।
कार्यक्रम हुनु पूर्व जिल्ला कृषि बिकास कार्यालयको प्राङ्गण देखी जिल्ला बिकास समिति सम्म रयाली गरीएको थियो । रयालीमा यती टेक्निकल एजुकेशन एण्ड मल्टीपल कलेज लक्ष्मी बजारका बिद्यार्थीहरुका साथै किसानहरुको सहभागिता रहेको थियो ।
कार्यक्रममा जिल्ला कृषि बिकास कार्यालय गोरखाका बरिष्ठ कृषी विकास अधिकृत याम कुमार श्रेष्ठले जलबायु परिवर्तनका बिषयमा जानकारी गराउनु भएको थियो ।
