कैलासबावु श्रेष्ठ/गोरखा
कार्तिक २३ गते । स्थानिय पुनःसंरचना जिल्ला प्राविधिक सहयोग समितिले गोरखामा २ नगरपालिका र ९ गाउँ पालिका सहित ११ स्थानिय तह निर्धारण गर्न केन्द्रमा सिफारीस गरीएको छ ।
नेपाल सरकारले दिएको समय अनुसार अन्तिम समयमा आएर राजनैतिक दलहरु संगको समन्वयमा समितिले गोरखा जिल्लामा २ नगरपालिका र ९ गाउँ पालिका रहने गरी अवधारणा तयार गरी केन्द्रलाई सिफारीस गरेको हो ।
२ नगरपालिका अन्रतर्गत साविकमा भएको गोरखा नगरपालिकामा ताप्ले र पाँचखुवा देउराली गाउँ विकास समितिलाई गाभ्ने र पालुङ्गटारमा मिरकोट, धुवाँकोट र खोप्लाङ्ग गाउँ बिकास समितिलाई गाभेर नगरपालिका घोषणा गर्नका लागि केन्द्रमा सिफारीस गरीएको छ ।
त्यस्तै गरी बिशाल चिन संग जोडीएको दुर्गम उत्तरी सामागाउँ, ल्हो, प्रोक, बिही, चुम्चेत, छेकम्पार र सिर्दीबास गरी ७ गाबिसलाई चुमनुब्री गाउँ पालिका घोषणा गर्न सिफारीस गरीएको छ । यि गाउँ बिकास समितिको केन्द्र भने सिर्दीबासको फिलीम बजारमा रहने राजनैतिक सहमती भएको छ । यो गाविसलाई हिमाल पारीको गाउँ भनेर पनि चिन्न सकिन्छ ।
निकै विकट मानिने यो क्षेत्रमा जिल्ला सदरमुकाम पुग्न बाट ३ देखी ७ दिन सम्म लाग्ने गर्दछ । यो क्षेत्रको सिर्दीबास बाहेक ६ गाउँ विकास समिति भने बिशाल चिनको स्वशासित क्षेत्र तिब्बत संग सिमा जोडीएको छ ।
यता उत्तरी क्षेत्र नै मानिएको काशिगाउँ, केरौजा, लापु, गुम्दाँ, उहियाँ र लाप्राकलाई धार्चे गाउँ पालिका बनाउन सिफारीस गरीएको छ । राजनैतिक सहमति भएको यो क्षेत्रमा बारपाक छुटेको भन्दै बारपाक बासीले हिजो जिल्ला सदरमुकाममा रहेको जिल्ला विकास समितिमा आएर धर्ना दिनुका साथै नाराबाजी समेत गरेका थिए ।
बारपाक बासीले हिजै जिल्ला बिकास समितिका योजना अधिकृतलाई ज्ञापन पत्र दिदै भूल सुधार गर्न भनिएको छ । बारपाकलाई सुलिकोट गाउँ विकास समितिमा राखीएको छ । यो क्षेत्रको केन्द्र भने गुम्दामा राख्ने सहमती भएको छ ।
सदरमुकाम देखी उत्तरी क्षेत्रमा नै पर्ने मान्बु, थुमी, आरुपोखरी, आरुचनौटे, आरुआरर्बाङ्ग गाउँ विकास समितीलाई आरुघाट गाउँ पालिका सिफारीस गरी आरुघाट बजारमा केन्द्र स्थापना गर्न राजनैतिक दल सहमत भएका छन ।
विवादीत बारपाक गाउँ विकास समिति सहित सौरपानी, स्वाँरा, लाकुमाझ लाकुरोबोट, ताकुकोट, पन्द्रुङ्ग र पाँचखुवा देउरालीलाई गाभेर सुलिकोट गाउँ पालिका बनाउन सहमत भएका हुन । यसको केन्द्र भने ताकुकोटमा राखीने भएको छ ।
सदरमुकाम बाट नजिकै मानिएको वगुवा, धावा, मसेल, अश्राङ्ग, तान्द्राङ्ग र बोर्लाङ्ग गाविस गाभेर भिमसेन गाउँ पालिका राखीएको छ । यसको केन्द्र भने बगुवालाई तोकिएको छ । त्यस्तै गरी बुंकोट, नामजुङ्ग, घैरुङ्ग, ताक्लुङ्ग, बक्राङ्ग र मनकामना गाविसलाई सहिद लखन थापा गाउँ पालिका राखी यसको केन्द्र घैरुङ्ग राखीने सहमती भएको छ ।
घ्यालचोक, भुम्लीचोक, ताङ्गलीचोक, दर्बुङ्ग, फुजेल र मकैसिङ्गलाई गण्डकी गाउँ पालिका र यसको केन्द्र भुम्लीचोकमा रहने छ भने हर्मी, छोप्राँक, थालाजुङ्ग, गाँखु, केराबारी र श्रीनाकोटलाई सिरानचोक गाउँ पालिका घोषणा गरी केन्द्र छोप्राँकमा राख्ने सहमती भएको छ भने खरीबोट, जौबारी, मुच्चोक, सिम्जुङ्ग, घ्याच्चोक र हंशपुर गाउँ बिकास समितिलाई मिलाएर अजिरकोट गाउँ पालिका बनाउने र यसको केन्द्र भच्चेक बजारमा राख्न राजनैतिक दलहरु समहत भएका छन ।
राजनैतिक सहमतीलाई हेर्ने हो भने चुनाबी क्षेत्र नम्बर १ मा गोरखा नगरपालिका र गण्डकी र सहिद लखन थापा गाउँ पालिका रहने छ ।
क्षेत्र नम्बर २ मा पालुङटार नगरपालिका सहित सिरानचोक र अजिरकोट गाउँ पालिका पर्ने छ । त्यस्तै गरी क्षेत्र नम्बर ३ मा चुमनुब्री, धार्चे, आरुघाट, सुलिकोट र भिमसेन गाउँ पालिका रहने छ ।
यसै बिच राजनैतिक दलहरुका प्रतिनिधीहरुले गोरखा नगरपालिकालाई कुमाल र मुश्लिम संरक्षित क्षेत्र, सुलिकोटलाई बराम, सहिद लखनथापालाई मगर, गण्डकीलाई चेपाङ्ग र अजिरकोटलाई भुजेल तथा तामाङ संरक्षित क्षेत्र घोषणा गर्न राजनैतिक सहमती भएको छ ।
उता उत्तरी क्षेत्रमा पर्ने चुमनुब्रीलाई भोटे लामा स्वायक्त क्षेत्र र धार्चे गाउँ पालिकालाई तमुवान स्वायत्त क्षेत्र घोषणाका लागि राजनैतिक दल एकै ठाउँमा उभिएका स्थानिय पुनःसंरचना जिल्ला प्राविधिक समिति गोरखाले जानकारी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए