कैलासबावु श्रेष्ठ/गोरखा
कार्तिक १३ गते । गोरखाको फुजेल देखी गोरखा बजारतर्फ आउदै गरेको ग.१ ख २७८६ नम्बरको गोरखा यातायातको बसबाट खस्दा सह चालक को मृत्यु भएको छ ।
बिहान ८ः३० बजे भएको उक्त घटना परि १७ बर्षिय बिकास परियारको मृत्यु भएको हो । घटना लगत्तै बस र चालक भागेर गोरखा सदरमुकाममा रहेको प्रहरी चौकीमा सम्र्पकमा आएका थिए भने सह चालक परियारलाई अर्को सवारी साधनले गोरखा अस्पताल ल्याएका थिए ।
घटना स्थलमा नै मृत्यु भै सकेको परियारलाई गोरखा अस्पतालमा बिहान ९ः३० बजे ल्याउदा अस्पताल प्रशासनले मृत्त घोषित गरेको थियो ।
जिल्ला प्रहरी कार्यालय गोरखाले दिएको जानकारी अनुसार बस बाट खसेका उनलाई सोही बसको बम्फटले लाग्दा पेटमा गहिरो चोट लागेको थियो । परियारको शब अहिले गोरखा अस्पतालको शब गृहमा राखीएको छ भने बस र चालक प्रहरीले नियन्त्रणमा लिएर थप अनुसन्धान भै रहेको प्रहरी नायब उपरिक्षक बिरेन्द्र थापाले जानकारी दिनु भयो ।
पेटमा लछारीएको बाहेक शरिरको कुनै पनि भागमा केही चोट देखीएको छैन प्रहरी नायब उपरिक्षक थापाले भने । थापाका अनुसार बसले च्यापेको भए कुनै न कुनै भागमा चोट तथा हड्ीहरु भाचिने थियो त्यो देखीएको छैन ।
घटना गोरखा सदरमुकाम संग जोडिएको बुंकोटा गाउँ बिकास समिति २ को चिरा गरा भन्ने स्थानमा भएको थियो । घटनाको प्रत्यक्षदर्शी भने कोही नभएका कारण घटना कसरी भयो भन्ने बिषयमा प्रहरी दरो अनुसन्धान गनु जरुरी छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए