कैलासबावु श्रेष्ठ/गोरखा
कात्र्तिक ५ गते । जिल्ला अदालत गोरखाले मुद्वा फैसला गरी कैद सजाय भूक्त्तान गर्न बाँकी रहेर फरार भएका विभिन्न अपराधका ३ जना अभियुक्तलाई जिल्ला प्रहरी कार्यालय गोरखाको टोलीले पक्राउ गर्न सफल भएको छ ।
मुद्वा फैसला भै कैद भूक्त्तान नगरी फरर भएका मध्ये जिल्ला प्रहरी कार्यालय गोरखाको बिशेष टोलीले श२०६९ साल चैत्र २० गते चोरी मुद्वामा १ बर्ष २ दिन कैद र ४ हजार रुपैयाँ जरिवाना तोकिएका गोरखा जिल्ला गुम्दा गाउँ विकास समिति ५ बस्ने बर्ष २२ का सुनार गुरुङ्ग र ६ दिन जेल भूक्त्तान र ५ सय रुपैयाँ जरिबाना तिनुपर्नेमा फरार भएका उहियाँ गाबिस ५ बस्ने कुमार सुनारलाई प्रहरीले पक्राउ गर्न सफल भएको हो ।
पक्राउ परेका दुवैलाई कात्र्तिक ३ गते गोरखा जिल्ला अदालतमा पेश गरी कैद भूक्त्तानका लागि गोरखा कारागार चलान गरीएको जिल्ला प्रहरी कार्यालय गोरखाका सूचना अधिकारी तथा प्रहरी नायब उपरिक्षक बिरेन्द्र थापाले जानकारी दिए ।
यसै बिच ०६९ साल जेष्ठ २४ गते गोरखा जिल्ला अदालतले भवितब्य ज्यान मुद्वामा ४ दिन कैद सजाय र ५ सय जरिवाना नतिरी फरार रहेका गोरखा जिल्ला घ्याल्चोक गाविस ९ निवासी बर्ष ६५ का टेक बहादुर नेपाली (सार्की)लाई समेत बिशेष सुराकीको आधारमा प्रहरीको विशेष टोलीले पक्राउ गरी अदालत पेश गरी कैद भूक्त्तानका लागि गोरखा कारागार चलान गरीएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए