कैलासबावु श्रेष्ठ/गोरखा
असोज १५ गते । २६ औं अन्तराष्ट्रिय जेष्ठ नागरिक दिवशको अवशर पारी जिल्ला प्रशासन कार्यालय गोरखाले कार्यालयमा सेवा लिन आउने जो कोही जेष्ठ नागरिकलाई लाइनमा बस्नु नपर्ने ब्यवस्था मिलाएको छ । साथै सेवा लिन आएका कुनै पनि जेष्ठ नागरिकलाई १ कप चियाको ब्यवस्था गरीने भएको छ । 
अन्तराष्ट्रिय जेष्ठ नागरिक दिवशको अशरमा विश्व भरी विभिन्न कार्यक्रम गरी मनाई रहदा गोरखाका जेष्ठ नागरिक भने चर्को घाँममा प्ले कार्ड बोक्दै, गित गाउदै र नाच्दै दिबश मनाई गोरखा सदरमुकामको रानी पोखरी परिषर पुगेका थिए । 
कार्यक्रममा प्रमुख अतिथी रहेका जिल्ला न्यायधिश जगत प्रसाद श्रेष्ठ तथा विशेष अतिथी प्रमुख जिल्ला अधिकारी नारायण प्रसाद भट्ट र राजनैतिक दलका प्रतिनिधी तथा विभिन्न संघ संस्थाका प्रमुख बिच प्रजिअ भट्टले असोज १६ गते आईतबार देखी कार्यालयमा सेवा लिन आउने जो कोही जेष्ठ नागरिकलाई सम्मानका साथ प्रतिक्षालयमा राखीने र सोही स्थानबाटै काम सम्पन्न गरी १ कप चियाँ खुवाएर सम्मानका साथ बिदाई गरीने घोषणा गरेका हुन ।भट्टले जेष्ठ नागरिकबाट धेरै कुरा सिक्न बाँकी भएको भन्दै सम्मान स्वरुप सरकारी स्तरबाट गर्न लागिएको यो कामले आफुलाई पनि सन्तुष्टी मिल्ने बताए । 
जिल्लाको विभिन्न क्षेत्रबाट आएका जेष्ठ नागरिकहरुले सदरमुकामको लोकतान्त्रिक चोक बाट ¥याली गर्दै पुरानो बजार क्षेत्र भित्र रहेको रानी पोखरी परिषरमा पुगेका थिए ।
सहभागी जेष्ठ नागरिकहरुलाई गोला प्रथाको आधारमा ३ सय भन्दा बढीलाई स्वास्थ्य सामाग्री प्रदान गरीएको थियो भने केहीलाई दोसल्ला प्रदान गरीएको थियो । गोला प्रथाबाट दोसल्ला प्राप्त गर्नेहरुलाई जिल्ला न्यायधिश श्रेष्ठले ओढाएर सम्मान गरेका थिए । 
यसै बिच बिनाशकारी भूकम्प पछि गोरखाको जेष्ठ नागरिकहरुलाई आर्थिक सहयोग गर्दै आएको कम्युनिटी सर्पोट ग्रेुपले जिल्ला अध्यक्ष मोहनलाल श्रेष्ठलाई जिल्लाको जेष्ठ नागरिकको लागि अतुलनिय सहयोग गरेको भन्दै सम्मान पत्र प्रदान गरेको थियो ।
सहभागीहरुलाई आजै रानी पोखरी परिषरमा भोजनको समेत ब्यवस्था गरीएको जेष्ठ नागरिक संघका जिल्ला अध्यक्ष श्रेष्ठले बताए ।
प्रमुख अतिथी जिल्ला न्यायधिश जगत प्रसाद श्रेष्ठले पानसमा बत्ती बाली कार्यक्रमको उदघाटन गर्दै
बिशेष अतिथी प्रमुख जिल्ला अधिकारी नारायण प्रसाद भट्ट सहभागीहरुलाई स्वास्थ सामाग्री बितरण गर्दै
