कैलासबावु श्रेष्ठ/गोरखा
असोज १५ गते । शाह बंशिय उदगम थलो एवं ऐतिहासीक गोरखा दरर्बारमा घटस्थाना सम्पन्न भएको छ ।
घटस्थापनाको पहिलो दिन आज बिहान गोरखा दरर्बार गोरखकाली मन्दिरमा कालिको सवारी चलाइएको छ । बिहान ५ः३० बजे (नाडीको रौ देखीने बेला) कैलास कोठा बाट भगवती लाई पूजा कोठा (पूर्व बाट पश्चिमतर्फ) सारीएको थियो । 
परापूर्व कालदेखी चल्दै आएको चलन अनुसार देवीलाई सर्व साधारण तथा श्रद्वालु भक्तजन र दरर्बारका पूजारी तथा कर्मचारीहरुले धुप दिप सहित र पुरोहित, सुसारे द्वारा भवगतीका पूजाका सामाग्रीहरु द्वारा देवीलाई सारीइएको गोरखा दरर्बार कार्यालयका कार्यालय प्रमुख गणेश भट्टराईले जानकारी दिए । सोही अवशरमा कल्सीनि र मंगलीनी बाट मालश्री गाउदै समेत गाईएको थियो ।
आजै ८ः३५ मा घटस्थाना अन्तरर्गत गोरखा नाथ गुफा र कालिकाको मन्दिर भित्र १÷१ पाथी को जमरा राखीएको छ । जौ को मात्र जमरा राख्ने यो परम्परा देखीको चलन रही आएको छ । उक्त जमरालाई टिकाको दिनमा सर्व साधारणहरुलाई बितरणहरुले घर घरमा लगेर आफुले राखेको जमरामा मिसाई टिका ग्रहण गर्न आउनेहरुलाई दिने चलन चली आएको ।
साथै आजै देखी गोरखकाली मन्दिरमा कालरात्रीको पूजा शुरु भएको छ । आज पहिलो दिनमा शैलपुत्रीको पूजा हुने छ । शैलपुत्रीलाई आज १ बोका बलि दिनुका साथै बिशेष पूजा गर्ने गरीन्छ । ९ दिन सम्म चल्ने यो पूजामा भोली देखी ब्रह्राचारीणी, चन्द्रघण्टा, कुशमाण्डा, कन्दमाता, कात्यानी, कालरात्री, महागौरी र शिद्वदात्री को पूजा हुने कार्यालय प्रमुख भट्टराईले जानकारी दिएका थिए ।
देवीको सवारीको फोटो अच्यूतलाल श्रेष्ठको फेसबुक बाट लिइएको हो ।