सन्तोष अधिकारी
गोरखा । उत्तरी गोरखाको केरौँजा–९ को दोभानमा बिहीबार गएको पहिरोमा परी मृत्यु भएका चार जना मध्ये तीनजनाको शव शुक्रबार पोष्टमार्टमका लागि काठमाडौंको टिचिङ हस्पिटल लगिएको हो ।
एक विदेशीसहित दुई नेपालीको शव फिस्टेल एयरको हेलीकोप्टरमार्फत काठमाडौं लगिएको जिल्ला प्रहरी कार्यालय गोरखाका प्रमुख एसपी जनकराज पाण्डेयले जानकारी दिए । स्पेनिस म्यानुयल ¥याप, छिरिङ शेर्पा र दोर्जे लामाको शव काठमाडौं लगिएको हो । सोही पहिरोमा परि ज्यान गुमाएकी रञ्जना बस्नेतको शव भने बूढी गण्डकीले बगाएकोले खोजी कार्यजारी रहेको प्रहरीले जनाएको छ ।
प्रहरी र स्थानीयको संयुक्त प्रयासमा शव पहिरोबाट निकालिएको थियो । पहिरोमा घाइते भएकामध्ये ६ जनाको काठमाडौंको बयोधा अस्पतालमा उपचार भइरहेको प्रहरीले जनाएको छ ।