– सुदिप कैनी, गाेर्खा
आश्विन ६, २०७३- गोर्खाको मनास्लु पदमार्गमा पहिरो गएको छ । उइया–केरौंजा जोड्ने तातोपानी पुलनजिक पहिरो खसेको हो ।
खोर्लाबेसींमा बास बसेर पदयात्रामा गएका पर्यटकको समूह पहिरोमा पुरिएको प्रहरीको आशंका छ ।
गोर्खाका प्रमुख जिल्ला अधिकारी नारायणप्रसाद भट्टले मनास्लुमा पहिरो गएको पुष्टि गर्दै घटनास्थलतर्फ प्रहरी टोली खटिएको जानकारी दिए । माछीखोला प्रहरी चौकीबाट टोली खटिइसकेको प्रजिअ भट्टले बताए ।
उनका अनुसार टेलिफोन सम्पर्क समेत नभएकाले घटनाबारे थप विवरण प्राप्त हुन सकेको छैन ।
ekantipur
