कैलासबावु श्रेष्ठ/गोरखा
भाद्र २९ गते । पुनर्निर्माणका लागि नेपाल सरकारले गोरखा जिल्लामा खटिएका प्राविधिकहरुले सेवा र सुविधा थप गनु पर्ने भन्दै आज देखी काम बन्द गरेर आन्दोलन गरेका छन् ।
०७२ बैशाख १२ गतेको बिनासकारी भूकम्पले भत्काएको घर पुनःनिर्माण गर्नका लागि प्राविधिक ज्ञान दिने गरि सरकारले खटाएका इन्जिनियर, सव इन्जिनियर र असिस्टेन्ट सव इन्जिनियरहरुले आज देखी सेवा र सुविधा थप गर्न नसके काम गर्न नसक्ने भन्दै आन्दोलनमा उत्रिएको ईन्जिनियर संजिब अंगाइले बताए ।
पुनर्निर्र्माणका लागि जिल्लामा गठन भएको जिल्ला आयोजना कार्यान्वयन इकाइलाई बुधबार लिखित जानकारी गराएर उनीहरुले काम गर्न नसक्ने बताएका हुन् । लिखीत मागमा तलब, भत्ता, बिमा, सुरक्षा लजिस्टिक्स तथा अन्य विविध बिषयमा सरकारी निकायको ध्यानाकर्षण गराउँदा समेत बेवास्ता गरिएकाले काम गर्न छोडेको अंगाई जानकारी दिए ।
गोरखामा कार्यरत सम्पूर्ण प्राविधिकहरु सेवा सुविधाबारे नयाँ निर्णय नआउदा सम्म चरणबद्ध आन्दोलनमा लागि रहने अंगाइको भनाई थियो । माग सुनुवाई नहुदा सम्म काममा नफर्कने गरि निर्णय भएको र आजैबाट गोरखा जिल्ला भरीको काम रोकिएको पत्रमा उल्लेख गरीएको छ ।
आन्दोलनकारी प्राविधिकहरुले आजै जिल्ला प्रशासन कार्यालय र जिल्ला विकास समितिलाई पनि यसबारे जानकारी गराइ सकेका छन् । जिल्लामा हाल १ सय २२ इन्जिनियर, २९ सव–इन्जिनियर र ४८ असिस्टेन्ट सव–इन्जिनियर कार्यरत रहेको भवन तथा आवास कार्यालय गोरखाले जानकारी दिएको छ ।
नेपाल सरकारले सबै प्राविधिकहरुलाई करारमा काममा खटाएको थियो । अधिकृत सरहको तलवमानमा काममा खटाइएपछि उनीहरु सुरुदेखिनै असन्तुष्ट रहेका थिए । तर सेवा सुविधाबारे पुनर्विचार गरिने भनिएकाले त्यतिबेला काममा गाउँ गाउँ खटिएका थिए ।
जिल्ला सदरमुकाम बाहेक अन्य स्थानमा तलवको भरमा मात्रै काम गर्न निकै समस्या परेको उनीहरुको गुनोसो छ । प्राबिधिकहरु यो आन्दोलनका कारण पुनःनिर्माणको काम प्रभावित हुने निश्चित देखीएको छ ।
इन्जिनियरहरुको मागबारे केन्द्रमा जानकारी गराउने र जिल्ला तहमै पनि छलफल गर्ने तयारी भैरहेको जिल्ला आयोजना कार्यान्वयन इकाईका प्रमुख एवम् शहरी विकास तथा भवन निर्माण डिभिजन कार्यालयका प्रमुख श्यामकिशोर सिंहले जानकारी दिए ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए