इमान जङ्ग बानियाँ/गोरखा
भाद्र २६ गते । बिद्युत प्राधिकरणको लापरवाहीले सर्व साधारणले ज्यान गुमाएको हामीले सुन्दै आएका छौ । कहिले हाइटेन्सन लाइन खेतमा खसेर त कहिले स्थानिय स्तरमा वितरण गरीएको बिद्युत लाइन हिडने बाटोमा खसेर करेन्ट लाग्दा मानिस मरेको थाहा पाएका छौ ।
तल्लो स्तरका कर्मचारीको लापरवाही देखी माथिल्लो स्तरका हाकिम सम्मलाई सेवा र सुविधाको नाममा खप्पीस बिद्युत प्राधिकरण एउटा राम्रो पोल हाल्न नसकेर सर्व साधारणको ज्यान सधै जोखिममा राखेर विद्युत बिस्तार गर्छ ।
अर्बौ भ्रष्टाचार गरेर कर्मचारीले सुविधा लिन पुग्ने यो कार्यालयले बिस्तार गरेको विद्युत लाइन भने सधै ५बर्षे बालकहरुले हातले छुन मिल्ने गरी बिस्तार गर्छन । यस्ता बिस्तारीत लाइन बाट सर्व साधारणहरुले आफ्नो घर उज्यालो बनाउनुपर्ने बाध्यता छ ।
यस्तै खालको बिद्यूत बिस्तार अहिले ताप्लेको बन्दिचौरमा देखीएको छ । सडक तथा घरको वरपरबाट लगिएको यस्ता लाइनबाट सर्व साधारण जनताले आफ्नो घर उज्यालो पानुपर्ने बाध्यता रही आएको छ । गोरखाको ताप्ले गाबिसको वडा न। ५ र ६ मा गाडिएको अधिकाम्स बिजुलिको पोल जिर्ण भएको छ भने धेरै जसो पोल भाचिएका छन ।
यस्ता तारमा कहिले काही आउने हाइभोल्टेज पावरले स्थानियको ज्यान तथा पशुहरुको ज्यान जाने गरको छ । बिस्तारीत लाइन बारिको कान्ला र मुल बाटोमा छरपस्ट अबस्थामा रहेको छ । स्थानियका अनुसार कार्यालयमा स्टील पोल हुदा हुदै पनि पोल दिन आनाकानी र ढिला सुस्ती गरेपछी स्थानियले आफ्नै आफ्नै खर्चमा सामुदायिक बनबाट सालको काठमा तार टाङ्गने काम गरी रहेका हुन ।
ताप्लेमा कुनै कुनै स्थानमा त ९ बर्ष सम्म एउटै पोलको मात्र भर पर्दा उक्त पोल धमिरा लागेर भाचिएको भएता पनि भाचिएकै पोलबाट विद्युत प्रवाह भै रहेको छ । अझै कार्यालयका कर्मचारीहरुले नै रुखको हाङामा तारलाई बेरेर घर घरमा बिद्युत लाइन बितरण गरीरहेको भन्दै स्थानियले गुनासो गरेका थिए ।
यस्तो प्रकृती बाट विद्युत वितरण हुदा सामान्य हावा हुरी तथा पानी परेको अवस्थामा पनि हप्तौ सम्म पनि बिधुत अबरोध हुनेगरेको छ । खतरायुक्त नाङ्गो तारले मानिस जनाबर र पशुपन्छी लाई हिडडुल गर्न जोखिम बढेको भएता पनि सम्वन्धीत निकाय मौन बस्नुले सर्व साधारण प्रति तालुक निकाय कति गैर जिम्मेवार पूर्वक प्रस्तुत हुन्छ भन्ने सबैले सहज अनु मान लगाउन सक्छन ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए