कैलासबावु श्रेष्ठ/गोरखा
भाद्र १८ गते । गोरखा जिल्ला भित्र मापदण्ड विपरित संचालनमा रहेका निजि अस्पताल तथा मेडिकलहरुलाई आवश्यक मापदण्ड पुरा गर्न जिल्ला जनस्वास्थ्य कार्यालयले एक महिनाको समय दिइएको छ ।
जिल्ला भित्रको अधिकांश मेडिकलहरु मापदण्ड विपरित संचालनमा रहेको तथ्य सञ्चारमाध्याममा आउन थालेपछि जिल्ला जनस्वास्थ्य कार्यालयले मापदण्ड पूरा नगरेका त्यस्ता मेडिकल तथा अस्पताल सञ्चालकलार्ई निर्देशन दिएको हो ।
बरिष्ठ जनस्वास्थ्य प्रशासक केदारराज पराजुलीले अस्पताल र मेडिकल संचालहरुलाई कार्यालयमा बोलाएर तत्काल आवश्यक मापदण्ड पूरा गर्न निर्देशन दिएको कार्यालयले जानकारी गराएको हो । एक महिनाभित्र आवश्यक कागजपत्र पूरा गर्न भनेको बताउँदै ‘तोकिएको समय भित्र मापदण्ड पूरा नगरे अनुगमन गरेर कारवाही गर्ने’ जनस्वास्थ्य कार्यालय प्रशासनले जानकारी गराएको छ । अस्पताल र मेडिकल सञ्चालकको लगानी डुबाउने पक्षमा तर उनीहरुले पनि मापदण्ड पूरा गर्नुपर्ने जन स्वास्थ्य प्रमुखको भनाई रहेको छ ।
अबका दिनमा नियमित अनुगमनलाइ निरन्तरता दिदै जाने र पहिलो चरणमा शहरी क्षेत्रका मेडिकल र अस्पतालमा सुधार गरेपछि ग्रामीण क्षेत्रमा सञ्चालित मेडिकलहरुको अनुगमन गरिने भएको छ ।
तोकिएको समय सम्म कार्यालयमा नबस्ने कर्मचारीलाई कारवाही गर्ने, जिल्ला भित्र रहेको स्वास्थ्य चौकीहरु बिहान १० बजे खुलेर २ बजे नै बन्द गनुपर्ने भए बिहान ८ बजे नै खोल्न समेत अधिकारी पराजुलीले निदेशन दिएको कार्यालयले जानकारी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए