कैलासबावु श्रेष्ठ/गोरखा
भाद्र ८ गते । गोरखा जिल्लाको किसानको लागि नेपाल सरकारबाट प्राप्त अनुदानको मल गोरखा सदरमुकामको ब्यापारीका गोदाम बाट खुल्मखुल्ला बिक्री भएको बर्षो पछि प्रशासनले हिजो ३ जना ब्यापारीलाई नियन्त्रणमा लिएर अनुसन्धान थालेको छ ।
किसानले मल नपाएको र पाए पनि महगों भएको भन्दै गुनासा आउन थाले पछि मंगलबार मात्रै संयुक्त बजार अनुगमन टोलीले गोरखा बजारको शक्ति चोकमा रहेको अनिता एग्रो भेट, कालीमाटी बजारमा रहेको बिशाल न्यू किराना स्टोर्स र खोलखोलेमा रहेको श्रेष्ठ किराना स्टोर्समा छापा मारेको थियो ।
टोलीले छापामा मार्दा सरकारी अनुदानको मल ब्यापारीको गोदाममा फेला पारे लगत्तै सबै गोदामलाई सिल गरेको छ भने त्यसका संञ्चालनक गोरखा नगरपालिका ३ शक्तिचोक निवासी रामशरण कोइराला, गोनपा ३ कालिमाटी निवासी दिपक (अनु) श्रेष्ठ र गोनपा ६ खोलखोले निवासी ईश्वर कुमार श्रेष्ठलाई प्रहरीले नियन्त्रणमा लिएको छ ।
नियन्त्रणमा लिएका सबै ब्यापारीलाई आज म्याद थप गरी थप अनुसन्धान गरीने जिल्ला प्रहरी कार्यालय गोरखाले जानकारी दिएको छ । ब्यापारीको गोदाममा साल्ट ट्रेनिङ्ग बाट ल्याइएको यूरिया र कृषी सामाग्री कम्पनीबाट ल्याइएको डिएपी मल अनुगमन टोलीले फेला पारेको थियो ।
कुल ३ सय ६४ बोरा मल मध्ये अनिता एग्रोभेट शक्तिचोकमा १ सय ९५ बोरा, बिशाल न्यू किराना स्टोसको गोदाममा ७९ बोरा र श्रेष्ठ किरानामा ५० बोरा मल फेला परेको अनुगम टोलीका प्रमुख सहायक प्रमुख जिल्ला अधिकारी नेत्र प्रसाद शर्माले बताए ।
बिगत लामो सयम देखी सहकारीको नाम बाट अनुदानको मल बिक्री गर्दै आएका गोरखाका ब्यापारीहरुको गुनासो धेरै आउन थाले पछि अनुगमन टोलीले गोदाममा नै छापा मारी सिल बन्दी गरीदिएको हो ।
अनुदानको यूरीया मल १ हजार ९ सय ७४ रुपैयाँ पर्ने भएता पनि नेपाल सरसकारले १ हजार ७४ रुपैयाँ अनुदान दिएर ब्यापारी भन्दा गाउँको सहकारी मार्फत बिक्री बितरण गर्ने नियम बनाएको थियो । त्यस्तै गरी डिएपी मललाई २ हजार ४१ रुपैयाँ पर्ने र सरकारले १ हजार १ सय ४१ रुपैयाँ अनुदान दिएको छ ।
अनुगमन टोलीले ३ वटै पसलबाट मल बिक्री गरेको बिल समेत बरामद गरेको छ । ब्यापारीले १ हजार २ सय रुपैयाँ सम्म मल बिक्री गरेको प्रमाण फेला पारेको छ । नियन्त्रणमा लिएको सबै ब्यापारीलाई कालो बजारी तथा केही सामाजिक अपराध ऐन २०३२ अन्तरर्गत मुद्वा चलाउने तयारी भएको अनुगम प्रमुख शर्माले जानकारी दिए ।
गोरखा जिल्ला भित्र मात्रै कारोबार गर्ने गरी जिल्लाका २३ वटा सहरकारी संस्थाहरुले इजाजत लिएको जिल्ला कृषी बिकास कार्यालय गोरखाले जानकारी दिएको छ ।
जिल्ला मद खाद आपुती तथा वितरण ब्यवस्थापन समितिका अध्यक्ष प्रमुख जिल्ला अधिकारीको अध्यक्षमा भएको बैठकले अनुदानको मल ल्याउन र बिक्रीगर्न अनुमती पाएको भएता पनि सबै सहकारीले कारोबार नगरेको र गरेकाले पनि गैरकानूनी काम गरेको पाइए कालो सुचीमा राख्ने वा अब देखी अनुमती नदिन सकिने जिल्ला कृषी बिकास कार्यालयले जानकारी गराएको छ ।
जिल्लामा कुन कुन सहकारी संस्थाले पायो त इजाजत
१) लोक कल्याण कृषी सहकारी संस्था घ्याल्चोक ५
२) बाह््बिसे मिलन कृषी सहकारी संस्था बुंकोट २
३) कृषक एकता कृषी सहकारी संस्था आरुआरबाङ्ग ९
४) आर्दश बचत तथा ऋण सहकारी संस्था गोनपा ५
५) जिल्ला उपभोत्ता सहकारी संघ लि.गोनपा ५
६) चन्द्र ज्योति दुग्ध सहकारी संस्था गोनपा १०
७) सामुहिक कृषी सहकारी संस्था घ्याल्चोक ९
८) गाईखुर उपभोत्ता सहकारी संस्था गाईखुर १
९) गोरखाकाली बहुउदेश्य सहकारी संस्था पानपा १
१०) श्री पालुङ्गटार सहकारी संस्था पानपा ७
११) जुग्दी तरकारी तथा फलफुल उत्पादक सहकारी संस्था ताक्लुङ्ग ३
१२) उद्यमशिल कृषी सहकारी संस्था बोर्लाङ्ग ४
१३) बृन्द्रावती कृषी सहकारी संस्था मसेल ५
१४) उज्वल कृषी सहकारी संस्था च्याङ्गली ९
१५) छेवेटार कृषी सहकारी संस्था गोनपा ९
१६) आकुरा कृषी सहकारी संस्था गाईखुर ५
१७) नौलो बिहानी उत्पादक मुलक कृषी सहकारी संस्था गोनपा १४
१८) पञ्चकन्या कृषी सहकारी संस्था बुंकोट ४
१९) जनकल्याण ताजा तरकारी उत्पादक कृषी सहकारी संस्था घ्याल्चोक ५
२०) घले डाडाँ सकुशल कृषी सहकारी संस्था घैरुङ्ग५
२१) लोकहित कृषी सहकारी संस्था हर्मी ५
२२) भूमेकाली कृषी सहकारी संस्था पानपा १३
२३) मेहनती कृषी सहकारी संस्था तान्द्राङ्ग ७
माथि उल्लेखीत मध्ये क्र.स.२, ४ र १८ नम्बरका सहकारीको अनुमतीमा सदरमुकामका ब्यापारीहरुले अनुदानको मल विक्री गर्दै आएका हुन ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए