येन बद्धो बली राजा दानवेन्द्रो महाबल: ।
तेन त्वां प्रतिबध्नामि रक्ष मा चल मा चलः
आज श्रावण शुक्ल पुर्णीमा । हिन्दु धर्मावलम्विहरुले ब्रह्मासूत्र अर्थात ज्ञानको धागो जनै बाँधेर जनै पुर्णीमा मनाएका छन् ।
आजको दिन विधिपूर्वक जनै मन्त्रन यजमानहरू बिहान सबेरै आ-आफ्ना गुरु पुरोहितकहाँ जाने गर्दछन् । आजको दिनको सम्बन्ध सत्ययुगमा दानवद्वारा लखेटिएका देवगणलाई गुरु वृहस्पतिले रक्षा विधान तयार गरी जोगाएका तथा वामनअवतार विष्णुले राजा बलिलाई डोरो बाँधी वचन बद्ध गराएर तीनै लोक लिएको धार्मिक किम्वदन्तीसँग जोडिएको छ ।
ज्ञान र सफल जीवन मार्गको शिक्षा दिक्षा गर्ने ऋषीहरूको सम्मानमा ऋषि तर्पणी गरी अभिमन्त्रित जनै लगाईने चलन चली आएको छ । हाम्रो हिन्दु धर्म अनुसार यज्ञसुत्र धारण गर्नु ब्राम्हणहरुको मुल धर्म हो र यो अनाधीकालबाट नै हिन्दु धर्मको जडबाट नै यो ब्रामह्णहरुको लागी यो यज्ञ सुत्र धारण गर्नु रक्षाबन्धन धारण गर्नु ठुलो कुरा हो ।
आजको दिन जनै लगाउनेहरू यस दिन पुरानो जनै फेरेर नयाँ जनै लगाउने गर्दछन् । यस दिन बर्षभरीका लागि आवश्यक पर्ने जनै तयार गरी मन्त्रेर राख्ने गरिन्छ। आजै रक्षा बन्धन कै लागी मावली घर तथा विवाहित पुरुष ससुराली जाने प्रचलन पनी छ ।
टाढा भएका आफन्त नजिक हुने हुदाँ पनी युवा पिढीमाझ यो पर्व महत्वपुर्ण रहेको छ । बर्षमा एकदिन यसकै बहानामा भएपनी जमघट भईन्छ । धार्मीक मान्यता अनुसार जनैपूर्णिमाका तीनपक्ष रहेका छन्– यज्ञोपवीत, रक्षाबन्धन र ऋषितर्पणी । ज्ञानको धागोका रुपमा लिईने जनैका दुई शिखामध्ये एउटा शिखामा रहेका तीन डोरालाई ब्रह्मा, विष्णु र महेश्वर तथा अर्को शिखाको डोरालाई कर्म, उपासना र ज्ञानका तीन योग मानीने पुरोहितहरु बताउछन् । आजकै दिन पितृहरूको नाममा तिल, कुशसहित तर्पण गरिने भएकाले यस पर्वलाई ऋषितर्पणीका नामले पनि चिनिन्छ |
जे होस नेपाल धार्मीक रुपमा सर्वोपरी मुलुक हो । सृष्टी रचना रक्षा र संम्भारमा देवताको आशिषले हामी नेपालि बन्न सकेका छौ । संस्कृती र संस्कारमा धनी हामी नेपालीलाई हाम्रा वैदिक महत्व बोकेका चाड र पर्वले एकताको सुत्रमा बाँध्ने गरेका छन् । रक्षाबन्धन ले आत्म अचल, अडोल र पवित्रता बनोस मृत्युमाथि नै विजय प्राप्त गर्न सकौ ।
जनै पुर्णीमाको अबसरमा आज गोरखा सदरमुकाममा रहेको ब्रह्मा कुमारी ईश्वरी विश्व विद्यालयले पनि राखी बाद्यने कार्यक्रम सम्पन्न गरेको छ ।
सदरमुकाममा रहेको बिद्यालयमा मात्रै १ हजार ६ सय जना भन्दा बढी सर्व साधारणहरुले राखी बाधेको बिद्यालयका संञ्चालीका पबित्राले जानकारी दिए । 
विद्यालयमा भएको राखी बाद्यने कार्यक्रमको केही दृष्यहरु । 
