कैलासबावु श्रेष्ठ/गोरखा
भाद्र १ गते । नेपाल बिद्युत प्राधिकरण गोरखा शाखाले गोरखा बजारमा बितरण गरेको बिद्युतमा दुई दिन देखी समस्या आएको छ । आँबुखैरेनी देखी गोरखा बजार सम्म आएको ३३ के.भी.लाइनमा समस्या आए पछि बितरणमा समस्या आएको हो ।
बिद्युत अबरोध भए संगै गोरखाको सञ्चार र पानी बितरणमा प्रत्येक्ष असर देखीएको छ भने सरकारी कार्यालयमा हुने काममा समेत प्रभाव परेको छ । श्रावण ३२ गते दिउसो देखी अबरुद्व बिद्युत अहिले सम्म पनी सञ्चालन आउन सकेको छैन ।
नेपाल बिद्युत प्राधिकरण बितरण शाखाले दिएको जानकारी अनुसार आँबुखैरेनी देखी गोरखाको १३ किलो अर्थात घुम्ती बजार सम्म ३३ के.भी.सुचारु भएता पनि त्यहाँ बाट गोरखा बजारमा रहेको सव स्टेशन सम्म लाइन प्रशारण गर्न नसक्दा समस्या आएको हो ।
बिद्युत अबरोध के का कारण भएको भन्ने अहिले सम्म पनि पत्ता लाग्न सकेको छैन । आज बिहानै देखी बिद्युत अबरोध के का कारण भएको भन्ने पत्ता लगाउन सबै कर्मचारीहरुलाई प्रशारण लाइनमा खटाइएको भन्दै जति सक्दो चाढो बिद्युत सुचारु गर्ने कार्यालयले जानकारी दिएको छ ।
दुई दिन देखी बिद्युत नहुदाँ गोरखा बजारमा बितरण गरीने ४ खानेपानी आयोजनाले पानी बितरण गर्न सकेको छैन भने सदरमुकाममा नै रहेको ५ रेडियो स्टेशनले रेडियो प्रशारण गर्न सकिरहेको छैन । उता बिद्युत नभएकै कारण नियमीत रुपमा प्रकाशन हुने दुई दैनिक पत्रिका समेत प्रकाशित हुन सकेको छैन ।
बिद्युत अबरोधकै कारण नेपाल टेलिकमको तारलाइन फोनमा समस्या देखीन थालेको छ भने मोबाइल प्रदायक संस्थाका मोबाइलमा समेत समस्या देखीन थालेको छ । त्यस्तै गरी बिद्युतकै कारण जिल्ला भित्र ईन्टरनेट प्रदायक संस्थाहरुको समेत ईन्टरनेटमा समस्या आउन थालेको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए