कैलासबावु श्रेष्ठ/गोरखा
श्रावण ३२ गते । पूर्व प्रधानमन्त्रि तथा नयाँ शक्ति नेपालका केन्द्रिय संयोजक डा.बावुराम भट्टराईले भूकम्प पिडीतलाई सरकारले उचित राहत दिन नसकेको भन्दै एक मुष्ठ ५ लाख रकम दिन अनुरोध गरे ।
आजै बिहान मात्र गोरखा सदरमुकाम आई पुगेका डा.भट्टराईले नयाँ शक्ति पार्टीको भातृ संगठन सामाजिक संघ संस्था बिभागले ‘गोरखा पुनःनिर्माण, संभावना र चुनौती’ बिषयक अन्तरक्रिया कार्यक्रममा बोल्दै नेपाल सरकार भूकम्प पिडीतलाई दिन पैसा छैन भनेर राहत दिन बाट पछी हटेको आरोप लगाउदै आफु एक्लैले १० खर्च रुपैयाँ उठाउन सक्ने बताए । आफुले अन्तरष्ट्रि समुदाय संग कुरा गरी रहेको भन्दै डा.भट्टराईले १० खर्ब उठाउन कुनै समस्या नरहेको समेत बताए ।
अन्तरक्रियामा बोल्दै डा.भट्टराईले भूकम्प पिडीतलाई ५ लाखका हिसाबले बितरण गर्दा ३ खर्ब पुग्ने दावी गर्दै उनले बाँकी पैसा ऐतिहासिक सम्पदाको पुनःनिर्माण तथा बिकास निर्माणमा खर्च गर्न सकिने तर्क राखेको थिए । उनले सरकारको अस्थिरताले पनि भूकम्प पिडितले राहत पाउन नसकेको आरोप लगाएको थियो ।
छोटो छोटो समयमा सरकार परिबर्तन भएकोमा ब्यग्य गर्दै उनले म्यादी सरकार फेरीदै जाने र नेपाली जनता आशै आशमा बाँच्ने बाहेक केही नहुने भन्दै पुनःनिर्माण प्राधिकरणको नाममा अहिले तमासा देखाउने काम मात्र भएको बताए ।
गृह जिल्ला आएर जिल्ला सदरमुकामको जिल्ला परिषद हलमा भएको उक्त कार्यक्रममा बोल्दै उनले आंशिक घर भत्कीएकालाई २ लाख दिन अनेकन शर्त राखीएका भन्दै पूर्ण क्षेति भएका घरहरुलाई ५ लाख रुपैयाँ एक मुष्ठ दिन सरकारलाई अनुरोध गरेका थिए । उनले अधिकार सम्पन्न प्राधिकरण गठन हुन नसक्दा पुनःनिर्माणमा ढिलाई भएको बताए ।
अन्तरक्रिया कार्यक्रममा कार्यालय प्रमुख, सामाजिक संघ संस्थाका साथै सर्व साधारण र पत्रकारहरुको उपस्थिती रहेको थियो । कार्यक्रममा नयाँ शक्ति पार्टी नेपालका सामाजिक संघ संस्थाका केन्द्रिय संयोजक दुर्गा न्यौपानेले कार्यपत्र प्रस्तुत गरेका थिए ।