कैलासबावु श्रेष्ठ/गोरखा
श्रावण ३० गते । लामो समयदेखि छोरा कृष्णप्रसाद अधिकारीको हत्यारालाई कारवाही गर्न माग गर्दै अनसनमा रहेकी गंगामाया अधिकारीको जीवनरक्षाको माग गर्दै प्रदर्शन गरिएको छ ।
प्रधानमन्त्री निवास वालुवाटार अगाडी नागरिक समाज लगायत विभिन्न पेशामा आवद्ध व्यक्तिहरुले एक घण्टा धर्ना दिएका हुन् । निषेधित क्षेत्रमा प्रदर्शन गरेको भन्दै प्रहरीले केही धर्नाकारीलाई बालुवाटारस्थित राष्ट्र बैंक कार्यालय अगाडिबाट पक्रेर महेन्द्र पुलिस क्लवमा लगेको छ ।
उनीहरुले कृष्णप्रसाद अधिकारीको हत्यारालाई पक्राउ गर्न अदालतले दिइसकेको आदेश पालना नभएको भन्दै दोषीलाई तत्काल कारवाही गर्न माग गरेका हुन् । सरकारले अपराधीलाई कारवाही नगरी राजनीतिक संरक्षण गरेको गुनासो धर्नाका सहभागीहरुको थियो ।
धर्नामा रहेकाहरुले सर्वोच्चको फैसलाको सम्मान गर्न र मानवअधिकार उल्लंघनमा दोषी किटानी भएका बालकृष्ण ढुङ्गेल लगायतलाई कारवाही गर्न सरकारको ध्यानाकर्षण गरेका थिए । सोही बाटो हुँदै प्रधानमन्त्री पुष्पकमल दाहाल कार्यक्रममा जानुपर्ने भएपछि धर्नाकारीलाई प्रहरीले नियन्त्रणमा लिएको थियो ।

फोटो गुगल

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए