कैलासबावु श्रेष्ठ/गोरखा
श्रावण २५ गते । फिस्टेल एयरका पाइल तथा गोरखा समाचार परिवारका सदस्य क्या.रञ्जन लिम्बु अब हामी बाट बिदा भएका छन । 
गोरखा समाचार परिवार संग आबद्व भएको छोटो समयमा लिम्बुको निधनले गोरखा समाचार परिवारलाई मर्माहत बनाएको छ ।
कुशल पाइलट तथा उडान कलामा पोख्त लिम्बुको गोरखा जिल्लाको सिर्दीबास गाउँ बिकास समितिको फिलीम बाट बिरामी लिई राजधानीको ग्राण्डी अस्पतालमा उपचार गर्न लाने क्रममा नुवाकोटको जंङ्गलमा दुरघटनामा परि लिम्बु सहित हेलीकप्टरमा सवार ७ जनाको घटना स्थलमा नै मृत्यु भएको हो । 
सहयोगी र हसिला अनुहारका लिम्बु बेलायतमा पढेर नेपाल आई आकाशीय सेवामा लागेका थिए । 
सन २०११ बाट फिष्टेल एयरमा सेवा शुरु गरेका उनले नेपालको जस्तो सुकै पहाडी उढानमा अनुभव बटुलेका थिए । 
आपत विपत परेको मानिसलाई सहयोग गर्न पाउदा खुशी हुने लिम्बु अरुको ज्यान जोगाउन कुनै पनि जोखिम मोल्न तयार हुने गर्दथे । 
जस्तो सुकै मौषमलाई पनि चुनौती दिन चाहने लिम्बुलाई भने नुवाकोटको आकाशमा लागेको बादलले कहिल्यै भेट नहुने गरी अन्त्य गरीदिएको छ । 
आकाशमा रहदा कहिल्यै नथाक्ने लिम्बुलाई गुमाउनु पर्दा गोरखा समाचार परिवार मर्माहत हुनुका साथै उनको यो अभाव हामीलाई सधै खडकी रहने गोरखा समाचार परिवारको ठहर रहेको छ । 
दुःखको यर घडीमा लिम्बुको मृक्त आत्माको चिर शान्तिको कामना गर्दै हार्दिक श्रद्वा सुमन ब्यत्त गर्न चाहान्छौ साथै यस दुःखद घडीमा परिवारजन तथा साथी आफन्तमा परेको पिडालाई सहन गर्न सक्ने शक्ति प्रदान गरुन भन्दै भागवान संग प्रार्थना गर्न चाहान्छौ ।
क्या.रञ्जन लिम्बुको सम्झनामा उनकै फेसबुक बाट लिएका केही फोटोहरु
