कैलासबावु श्रेष्ठ/गोरखा
श्रावण १७ गते । राजधानीको नयाँ बजारमा भएको गोरखा समाज सेवा केन्द्र को नयाँ नेतृत्व महेश गुरुङ्गले गरेका छन । गुरुङ्ग निरविरोध निर्वाचीत भएका थिए । 
गोरखा बाट बिभिन्न काम तथा बसाई सराई गरी राजधानी गएका गोरर्खालीहरुको साँझा संस्था गोरखा समाज सेवाको नयाँ बजारको सासा ब्यन्क्वीटमा भएको एघारौं साधारण सभा एवं आठौं अधिवेशनबाट गुरुङ्गलाई सर्ब सम्मत नयाँ कार्य समितिको अध्यक्षमा चयन गरीएको थियो । 
समितीको प्रथम उपाध्यक्षमा बेद प्रसाद काप्री चयन भएका छन भने क्षेत्र नम्बर १, २ र ३ को उपाध्यक्षमा क्रमश प्रकाश पन्त, हरीमाया गुरुङ्ग र निशा घले चयन भएको छ । 
त्यस्तै गरी महा सचिबमा चिनकारी श्रेष्ठ निर्बिरोध निर्वाचती भए भने सचिवमा अञ्जन श्रेष्ठ र कोषाध्यक्षमा बिण्णु पोखरेल बिजयी भएका छन । 
सदस्यमा क्षेत्र नं १ बाट महेश श्रेष्ठ, प्रभात सिंह बस्न्यात, प्रकाश पन्त, अञ्जन श्रेष्ठ, गोबिन्द बास्कोटा क्षेत्र नं २ बाट हरिमाया गुरुंग, विष्णु पोखरेल, वेद प्रसाद काप्री, हरी ढकाल, शिव श्रेष्ठ र क्षेत्र नं ३ बाट निशा घले, चिनकाजी श्रेष्ठ, नन्दु न्यौपाने, वीरबल घले र सागर गुरुंग चयन भएका छन ।
कार्यक्रममा अतिथीको रुपमा नेपाली काँग्रेसका चिनकाजी श्रेष्ठ, नेकपा माओवादीका नारायण काजी श्रेष्ठ, नेकपा एमालेका बाचश्पती देबकोटा, राप्रपाका मोहन श्रेष्ठ, नयाँ शक्तिको तर्फ बाट बिरेन्द्र केशरी पोखरेल, बरिष्ठ इतिहासकार तथा संस्कृत विद डा.जगमान गुरुङ्ग प्राज्ञ दिनेशराज पन्त, संस्थापक अध्यक्ष उपेन्द्र देवकोटाका साथै महिला मन्त्रिको तर्फ बाट कमला पन्तकाको उपस्थिती रहेको थियो । 
कार्यक्रममा ३ बर्षे कार्यकालमा बिशेष सहयोग गरेको भन्दै कैलाश बाबु श्रेष्ठ (जिल्लाबाट), सुशील अर्याल(संचार), परशुराम पन्त (स्वास्थ्य), राजु बाबु श्रेष्ठ (जिल्ला), भाईचन्द्र श्रेष्ठ (गोरखा राज्य स्थापना संयोजन), दीपेश न्यौपाने (प्राविधिक र आन्तरिक), राजन विक्रम थापा (आर्थिक), एक्टिभ प्रेस प्रा लि (छपाई) र अंन्तर जिल्ला साप्ताहिक (प्रिन्ट मिडिया) लाइ मायाँको चिनो दिएर सम्मान गरीएको थियो । 
कार्यक्रम निवर्तमान अध्यक्ष भाष्कर श्रेष्ठको अध्यक्षतामा सम्पन्न भएको थियो । 
३ बर्षे सफल कार्यकाल पुरा गरेकोमा निर्बतमान अध्यक्ष भाष्कर श्रेष्ठलाई www.gorkhasamachar.com परिवार धन्यबाद दिन चाहान्छ भने नयाँ कार्य समितिको कार्यकाल सफल होस भन्दै शुभ कामना समेत ब्यक्त गर्न चाहान्छ ।