कैलासबावु श्रेष्ठ/गोरखा
आषाढ २५ गते । उत्तरी गोरखाको केरौजामा हिड्ने क्रममा बेहोस भएर लड्दा केरौजाका कृण्ण तामाङ्गको घटना स्थलमा नै मृत्यु भएको छ । मृत्युको खबर जिल्ला प्रहरी कार्यालय गोरखाले दिएको हो ।
गएको केही दिन अगाडी केरौजामा पहिरोले पुरीएर श्रीमतीको मृत्यु भएको खबर पाएका तामाङ्ग बिही गाउँ बिकास समितिको सेराङ्गबाट घर तर्फ आउने क्रममा केरौजा गाबिस ९ को यारुबगरमा हिड्ने क्रममा लड्दा मृत्यु भएको हो ।
मध्ये रात १२ बजे घर तर्फ आउदै गरेका तामाङ्ग यारुबगरमा आई पुग्दा बाटोमा नै लडेका थिए । साला नाता पर्ने कृण्ण घलेका साथमा सेराङ्ग देखी आएका उनी अचानक बाटोमा लडेको र उनको त्यही मृत्यु भएको जिल्ला प्रहरी कार्यालय गोरखाका प्रहरी नायब उपरिक्षक बिरेन्द्र थापाले जानकारी दिए ।
मृक्तक तामाङ्ग र उनको सालो मजदुरका लागी बिहीको सेराङ्गमा काम गर्दै आएका थिए ।
गएको मंगलबार मात्रै केरौजाको पहिरोमा परी तामाङ्ग श्रीमती कान्छीमाया तामाङ्ग, चिनमायाँ गुरुङ्ग र १५ वर्षे बालक सन्दिप घलेको मृत्यु भएको थियो ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए