फोटो अमित बावु श्रेष्ठको फेसबुक बाट
बिकास मरहट्टा/गोरखा
असार ४ गते । आज दिउसो गोरखा नगरपालिका वडा नम्वर ८ बिरेन्चोक बजारमा भएको ट्रिपर दुर्घटनामा चालक र सहचालक घाइते भएका छन् ।
गोरखा सदरमुकाम बाट १२ किलो तर्फ जादै गरेको बा. ३ ख ९० नम्वरको ट्रिपरले नियन्त्रण गुमाउदा दुर्घटनामा परी चालक धादिङ जिल्लाका आकाश तिमिल्सिना र गोरखा बिरेनचोक निवासी रामशरण रिमाल घाइते भएको जिल्ला ट्राफिक कार्यालय गोरखाका प्रमुख मिन बहादुर कुवरले जानकारी दिनुभयो ।
घाइते चालक र सहचालकको गोरखा अस्पतालमा सामान्य उपचार गरिएको छ । उनीहरु प्रहरीको नियन्त्रणमा रहेको जिल्ला प्रहरी कार्यालय गोरखाले जनाएको छ ।
ट्रिपरको ठक्करबाट गोरखा बिरेन्चोकका स्थानिय बिमल रानाको घरको सटर र पिलरमा क्षति पुगेको जिल्ला प्रहरी कार्यालय गोरखाले जनाएको छ ।
घरलाई ट्रिपरले ठक्कर दिए पछि क्षतिपूर्तिको माग गर्दै स्थानियहरुले केहि बेर सो क्षेत्रमा सवारी आवागमनमा अबरोध गरेका थिए । इन्जिनियरले घरको अवलोकन गरेर क्षति विविरण निकालेपछि क्षतिपूर्ति दिने सहमति भएपछि सवारी आवागमन सुचारु भएको जिल्ला प्रहरी कार्यालयले जानकारी दिएको छ ।

लेखकबाट थप:

• लकडाउन नियम उलंघन गरेपछि सेल्टिक र एबरडीनबीचको खेल स्थगित
• पारिवारीक बनमा ठकुरी
• नेपालमै बन्छ विश्वका ७० देशलाई चाहिने आँखाको लेन्स
• सबै वडामा स्वास्थ्य चौकी बनाउने योजना
• टेष्ट वरियतामा कोहली शिर्ष स्थानमा उग्लिए