पौष ३० गते । रोजगारीको लागि अष्ट्रेलिया पुगेका गोरखालीहरुको साझा संस्था गोरखा समाज अष्ट्रेलियाको सहयोगमा गोरखा जिल्लाको बिभिन्न बिद्यालयमा अध्ययनरत बिद्यार्थी तथा अपांङ्गहरुलाई राहत बितरण गरीएको छ ।
समाजले दिएको जानकारी अनुसार ताराचन्द्र मा.वि. मुच्चोकका १ सय ५२ जना र प्रभा मा.वि. खरिबोटका २ सय ५१ जना बिद्यार्थीहरूलाई ट्रयाक सुट र ज्याकेट बितरण गरिएको छ भने ताराचन्द्र मा.वि. मुच्चोकलाई फर्निचरहरू समेत सहयोग गरेको छ ।
यता गोरखा सदरमुकाम संग जोडिएको बुंकोट गाबिसमा भूकम्प बाट पिडित अपांङ्ग बालबालिकाहरुलाई समेत गोरखा समाज अष्ट्रेलियाले ४२ जना पूर्ण अपाङ्गहरूलाई जाडोमा न्यानो ओढ्ने, ओछ्याउने बेड सेट प्रदान गरीएको छ । समाजले चामल, चिनी, दाल, तेल लगाएत सामाग्रीहरु समेत वितरण गरेको थियो ।
अरुबाट आश्रीत हुनु परेका त्यस्ता अपांङ्ग ब्यक्तिहरुलाई सहयोग उपलब्ध गराउन पाउदाँ समाजका पदाधिकारीहरुले खुशी ब्यक्त गरे । गत बर्ष मात्र स्थापना भएको समाजले बिभिन्न सामाजिक काममा सहयोग गर्दै आएको छ ।
समाजले बिनाशकारी भूकम्पमा परी पिडीत भएकाहरुलाई अझै सहयोग उपलब्ध गराउदै जाने जानकारी समेत दिएको छ ।
