कैलासबावु श्रेष्ठ/गोरखा
पौष २७ गते । बिनाशकारी भूकम्प पछि नेपाली सेनाले गोरखाको बिभिन्न क्षेत्रमा पुरयाउदै आएको सहयोग सगै पछिल्लो समय गोरखा बजारबाट केही पर रहेको आरुआरबाङ्गमा स्वास्थ्य शिबीर र राहत बितरण कार्य सम्पन्न गरेको छ ।
गोरखा बजारको नाम्जेली डाडाँ रहेको भैरबी दल गणको समन्वयमा सैनिक श्रीमती संघले उपलब्ध गराएको न्यानो कपडा तथा स्वास्थ्य शिबीर केही खाद्य सामाग्री बितरण गरीएको भैरबी दल गणले जानकारी दिएको छ ।
जिल्लाको आरुआरबाङ्ग गाउँ बिकास समितिको ८ को वयाक र ९ को बल्छोपे भन्ने स्थानमा भूकम्प पिडीतहरुलाई ४ सय थान ब्ल्याकेट समेत बितरण गरीएको भैरबी दलका प्रमुख सेनानी शिवराज पन्तले जानकारी दिए ।
यसै बिच आजै भएको अर्को कार्यक्रममा सोही स्थानमा रहेका सर्व साधारणहरुलाई ४ सय थान खाद्य सामाग्रीका प्याकेट समेत बितरण गरीएको थियो । हिजो र आज भएको कार्यक्रममा भैरबी दलको तर्फ बाट छाया देवी प्राबि र बासुकी निमाबिमा रहेका २ सय ५० जना बिद्यार्थीहरुलाई उनीको टोपी बितरण गरीएको थियो ।
यसै बिच सोही स्थानमा हिजो देखी सञ्चालनमा आएको स्वास्थ्य शिबीरमा सुत्केरी, बिद्यार्थी, बालक तथा बृद्वहरुलाई चिसो बाट कसरी बच्ने भन्ने उपायका बिषयमा प्रशिक्षण गराईएको थियो भने रुघाँ, खोकी, ज्वरो, चिसोको कारण हुने भाइरलका बिरामीहरुलाई निशुल्क रुपमा औषधी उपलब्ध गराईएको थियो ।
