विराटनगर – मोरङको उत्तरी क्षेत्र लेटाङमा बोलेरो पिकअप दुर्घटना हुँदा १ जनाको मृत्यु भएको छ भने १६ जना घाइते भएका छन् ।
शुक्रबार बेलुका लेटाङ नगरपालिका १ अधेरी स्थित भित्री कच्चीसडक खण्डको लेटाङबाट कुवापानीतर्फ जादै गरेको को. १ ज ३२६२ नम्बरको बोलेरो पिकअप अनियन्त्रित भई दुर्घटना हुदा लेटाङ नगरपालिका १ का ५९ वर्षीय नैनकुमार तामाङको मृत्यु भएको हो ।
तामाङको विराट नर्सिङहोम विराटनगरमा उपचारको क्रममा मृत्यु भएको हो । सडकबाट ३०० मिटर तल खसेको बोलेरोमा १७ जना सवार थिए । अन्य १६ जना घाईते भएको लेटाङ प्रहरीले जनाएको छ ।
दुर्घटनामा ५४ वर्षीय सन्चुमाया राई गम्भिर घाइते भएकी छन् । उनको पनि बिराट नर्सिङहोममा उपचार भइरहेको छ । अन्य घाइतेहरुको विराट नर्सिङहोम र शुभकामना हेल्थ केयर सेन्टरउपचार भईरहेको मोरङ प्रहरीले जनाएको छ ।
