काठमाण्डौं – हारसँगै रियल मड्रिड स्पेनिस कोपा डेल रे फुटबलको अन्तिम चरणबाट बाहिरिएको छ ।
बुधवार राति भएको खेलमा तेस्रो श्रेणीको क्लब एल्कोयानोसँग अतिरिक्त समयमा २–१ ले पराजित हुँदै रियल स्पेनिस कोपा डेल रे फुटबलको अन्तिम चरणबाट बाहिरिएको हो ।
एल्कोयानोको मैदानमा सुरुवाती अग्रता जोगाउन नसक्दा रियल पराजित भएको हो । रियलले ४५ औं मिनेटमा अग्रता बनाएको थियो । इडर मिलिटाओले गोल गर्दै रियललाई अग्रता दिलाएका थिए ।
तर, खेलको ८० औं मिनेटमा एल्कोयानोका जोस सोल्वेसले गोल गर्दै खेल १–१ गोलको बराबरीमा ल्याए । त्यसपछि निर्धारित समयमा थप गोल भएन र खेल अतिरिक्त समयमा लम्बिएको थियो ।
खेलको १०९ औं मिनेटमा एल्कोयानो १० खेलाडीमा समेटियो । उसका रामोन लोपेज दोहोरो पहेलो कार्ड खादै मैदानबाट बाहिरिएका थिए ।
तर, खेलको ११५ औं मिनेटमा जुआनानले गोल गर्दै एल्कोयानोलाई २–१ को जित दिलाएका थिए ।
