एजेन्सी – इङलिस प्रिमियर लिग फुटबलमा आर्सनलले न्युक्यासल युनाईटेडलाई पराजित गरेको छ ।
गएराति आफ्नै मैदानमा भएको खेलमा आर्सनलले युनाईटेडलाई ३–० गोल अन्तरले हराएको हो ।
उसका लागि पिएरे एम्रिक औबामियाङले २ तथा बकायो साकाले १ गोल गरे । जितसँगै आर्सनल १९ खेलबाट २७ अंक जोड्दै तालिकाको दशौं स्थानमा उक्लिएको छ ।
१८ खेलबाट १९ अंक जोडेको न्युकासल १५ औं स्थानमा रहेको छ । लिगमा १८ खेलबाट ३७ अंक जोडेको म्यान्चेस्टर युनाईटेड शिर्ष स्थानमा छ ।
एक खेल कम खेलेको म्यानचेस्टर सिटी ३५ अंकसहित दोस्रो स्थानमा छ । लेष्टर सिटीको समान ३५ अंक सहित तेस्रो र लिभरपुल ३४ अंकसहित चौथो स्थानमा रहेको छ ।
