०७६ साल चैत्र महिनामा पुरै देश लकडाउन हुदा नेपालमा २ जना मात्र कोरोना संक्रमित ब्यत्ति थिए । देशले विभिन्न चरण पार गरेर आउदा ५ महिनाको यो अवधीमा झण्डै ४२ हजारको हाराहारीमा संक्रमितहरु आइसोलेसनको बास बसे । तर हुनेखानेलाई घरमा र तल्लो स्तरका जनतालाई सरकारले तोकेकै आइसोलेसनमा गएर बस्नु पर्दा भने पछिल्लो समय आइसोलेसनका बारेमा बिवाद बढ्न थालेको छ ।
त्यसै मध्ये गोरखा सदरमुकाममा रहेको गोरखा अस्पताललाई पहिलो चरणमा आइसोलेसन बनाईयो भने पछिल्लो चरणमा गोरखा क्याम्पसमा मात्र कोरोना संक्रमित राख्ने गरी आइसोलेसन स्थापना भएको छ । ‘जति परयो राती, उती बुढी ताती’ भन्ने उखान जस्तै तात्कालीन अवस्थामा प्रमुख जिल्ला अधिकारीले आइसोलेसन निर्माणमा गरेको हेलचक्रयाईका कारण अहिले गोरखा क्याम्पसको आइसोलसनमा बस्नेहरुले सास्ती ब्यहोरी रहेका छन् ।
आइसोलेनका सबै भन्दा माथिल्लो कोठामा सिलिङ राख्ने भन्दा भन्दै संक्रमितलाई गोरखा अस्पतालमा राख्ने अवस्था नभए पछि बिचैमा गोरखा क्याम्पसमा ल्याएर राख्न थालियो । अहिले त्यहाँ रहेका (माथिल्ले तलामा पुरुषलाई मात्र राखिन्छ) अधिकाशंले घाम लागेको दिनमा भ¥याङ मुनी दिन बिताउछन् । कारण जस्ताको छानामा चर्को घाम । त्यही चर्को घाम अस्ताएको केही झणमा नै रातमा चिसोले सताउन थालेको आइसोलेसनमा बस्नेहरुको अनुभव छ ।
आइसोलेनमा रहेका बिरामीलाई औषधी र खाना तथा पानीको राम्रो प्रबन्ध भएको भएता पनि एकाघरको मानिस सबैलाई संक्रमण भएको खण्डमा घरमा बस्न पाउनु पर्ने उनीहरुको गुनासो सम्वन्धीत निकायले कसरी संबोधन गर्ला त्यो भने हेर्नै बाँकी छ । गोरखा समारचारलाई आइसोलेनमा बस्ने एक संक्रमितले लेखेको मार्मिक लेख यस्तो छ ।
गोरखा
कोरोना पोजेिटभ देखीयो । एम्वुलेन्स आयो । अनि बनको छेउमा रहेको चिसो हावा आउने भवनमा उपचारको लागि भनेर छोड्यो । आखीर उपचार चाहिँ हो के ? उहीँ घरको वेसार, लसुन, अदुवा, गुर्जो अनि इलेक्टीक जगमा तातो पानी विरामी आफैले सकि नसकि पकायो अनि खायो वस्यो त्यही हो आईसोलेसन उपचार भनेको ?
१०१ डिर्गी ज्वरो आएको विरामीलाई चिसो कोठामा एउटा च्यादरको भरमा सुताएर त्यसको वैज्ञानीक उपचार भयो ? आखीर आफ्नो उपचारको लागि सवै घरेलु जडिवुटी आफ्नै घरवाट मगाएर उनै परिवारका सदस्यवाट नै ल्याउनुपर्ने भएपछि होम आईसोलेसन वस्न किन नमिल्ने ?
एउटा परिवारका सवै सदस्यलाई सङक्रमण देखीएपछि उनिहरूलाई ३ तिर छुट्टाएर राख्नु यसको सहि उपचार हो त ? त्यहाँ होम आईसोलेसन वनाएर राख्न मिल्दैन ? परिवारवाट अलग वनाएर राखेर विरामीको मनोवल वढ्छ ? अनि विरामीलाई आत्मवल आउछ ?
एउटै देशका अरू जिल्लामा अनि चर्चीत व्यत्तिहरूचाही होम आईसोलेसन वस्न मिल्ने सामान्य व्यत्तिचाही नमिल्ने यो कस्तो काईदाको नियम हो ? नियम copy गर्दा पनि भु-धरातल आफ्नो परिवेश अनुसार जे उपयुत्त हुन्छ तेही अनुरूप गर्नुपर्ने होईन र ? यो कुनै अपराध त थिएन । यहि तरिकाको उपचारको अवधाराणामा जाने हो भने यहाँ आएको स्वस्थ मान्छे पनि विरामी हुन्छ । यसको उपचार नै तातो चिज र घरेलु जडिवुटी हो भने चिसो स्याठमा राख्ने किन ?
सम्भव भएका मान्छेलाई होम आईसोलेसन वस्छु भन्दा नपाउने किन ? यसवाट पछि हुने खतराको सम्पुर्ण जिम्मेवारी सम्वन्धित निकायले लिनुपर्ला होसीयार भई वेलैमा अहिले भै रहेको उपचार पद्धतिको अवधारणालाई परिवर्तन गरि । होम आईसोलेसनको अवधारणामा अगाडि वढ्न सम्वन्धित निकायलाई सुझाव दिन चाहान्छु ।
होम आईसोलेसनमा विमारीको आधा रोग आफै ठिक हुन्छ केवल सामाजिक दुरी मात्र कायम गरे पुग्छ । अब तपाईहरूले वनाएको आधुनिक आईसोलेसनमा राख्छु भन्दा पनि संभव छैन किनकी दिनानु दिन सङत्रमितको संख्या वढ्दो छ । त्यसैले वेलैमा विचार गरि होम आईसोलेसन वस्छु भन्ने जिम्मेवार व्यत्तिहरूलाई सोही अनुरूप वस्न पाउने व्यवस्थातर्फ सम्वन्धित निकायको ध्यान जाओस ?
।। घरमै वसौ सुरक्षित होऔ ।।
