काठमाडौं— कमेडीमा आधारित नेपालकै पहिलो रियालिटी शो कमेडी च्याम्पियनका विजेता अर्थात नेपालकै पहिलो कमेडी च्याम्पियन हिमेश पन्तले उपहारस्वरुप कार प्राप्त गरेका छन् ।
कान्तिपुर टेलिभिजनको मुख्यालय तीनकुनेमा कमेडी च्याम्पियनका निर्देशक विशाल भण्डारी, निर्माता केकी अधिकारी तथा टेलिभिजनका प्रमुख दिनेश डिसीले हिमेश पन्तलाई कार हस्तान्तरण गरेका हुन् ।
उक्त कारको मूल्य २५ लाख रुपैयाँ पर्ने बताइन्छ ।
यसैबीच कमेडी च्याम्यिनको दोस्रो सिजनमा भने कान्तिपुर टेलिभिजनकै लगानी रहने निश्चित भैसकेको छ ।
दोस्रो सिजनमा पनि पहिलो सिजनकै निर्णायकहरु सन्तोष पन्त, मनोज गजुरेल, ऋचा शर्मा तथा प्रदीप भट्टराईकै निरन्तरता रहने छ ।
कार्यक्रमलाई अभिनेत्री रीमा विश्वकर्माले सञ्चालन गर्नेछिन् ।
