गोरखा समाचारदाता
गोरखा – नेपाल विद्यार्थी संघले पालुङ्टार नगरपालिका-६ को जनज्योति आधारभूत विद्यालय कालामाटामा गरिब तथा जेहेन्दार विद्यार्थीलाई पोशाक वितरण गरेको छ ।
नेबिसंघका २० जना पदाधिकारी एवं सदस्यले चिया खाजाको रकम बचाएर उक्त विद्यालयमा पढ्ने ८ जना विद्यार्थी सर्ट र पाइन्ट उपलब्ध गराएका हुन् । सोमबार एक कार्यक्रमका विच करिब २० हजार रुपैयाँ बराबरको विद्यालय पोशाक हस्तान्तरण गरिएको नेबिसंघका जिल्ला अध्यक्ष सुबास अधिकारीले जानकारी दिए ।
नेबिसंघ पालुङ्टार नगर संयोजक अनिल थपलियाको अध्यक्षता तथा जिल्ला अध्यक्ष सुबास अधिकारीको प्रमुख आतिथ्यतामा भएको कार्यक्रममा नेपाली काँग्रेस पालुङ्टार नगरपालिका-६ का सभापती पुननारायण श्रेष्ठ, जिवमणी लुँइटेल, नेबिसंघका जिल्ला सचिव मिलनसिंह बस्नेत, विद्यालयका प्रधानाध्यापक अर्जुन तिवारी लगायत मन्तव्य राखेका थिए ।
