गोरखा समाचारदाता
गोरखा – लमजुङ्ग र कास्कीमा जुवा खेली रहेका ३६ जनालाई प्रहरीले नियन्त्रणमा लिएको छ ।
कौडा र जुवातास खेली रहेका उनीहरुलाई प्रहरीले लमजुङ्ग र पोखरामा निजी घरहरुमा खेली रहेको अवस्थामा प्रहरीले नियन्त्रणमा लिएको हो ।
प्रदेश प्रहरी कार्यालय पोखराले दिएको जानकारी अनुसार लमजुङ्गको बेसिशहर नगरपालिका ११ को चिति स्थित सुर्य सिंह क्षेत्रिको कुखुरापालनको लागि निर्माण गरीएको टहरामा कोडा खेली रहेका २५ जना पक्राउ परेका हुन ।
पक्राउ परेका जुवाडेहरुबाट २ लाख १६ हजार ४३० रुपैयाँ र ३२ थान कौडा फेला परेको थियो ।
त्यस्तै गरी पोखरा महानगरपालिका ९ बास्तोलाथर स्थित रत्नमान गौचनको घर भाडामा लिएर जनप्रिय थकाली भान्सा घर सञ्चालन गर्दै आएका प्रकाश शेरचनले होटल भित्र जुवातास खेलाई रहेको अवस्थामा ७ जनालाई प्रहरीले नियन्त्रणमा लिएको छ ।
जुवातास खेल्नेहरुबाट प्रहरीले ३२ हजार ४३० रुपैया समेत बरामद गरेको छ ।
त्यस्तै गरी आजै (मंगलबार) पोखरा महानगरपालिका ५ को प्रस्याङ्गमा रहेको रुद्रबहादुर केसीको घरबाट जुवातास खेली रहेका ४ जनालाई पनि प्रहरीले नियन्त्रणमा लिन सफल भएको छ ।
पक्राउ परेका ४ जनाबाट ३९ हजार २०० सय रुपैयाँ नगद फेला परेको प्रदेश प्रहरी कार्यालय पोखराका सूचना अधिकारी एवं प्रहरी नायव उपरिक्षक कृण्णबहादुर कार्कीले बताए । पक्राउ परेका सबै प्रहरी नियन्त्रणमा रहेको र सरकारी कार्यालय खुले संगै उनीहरुलाई मुद्वा दर्ता गरी कारवाही अगाडी बडाईने जानकारी दिईएको छ ।
