गोरखा समाचारदाता
गोरखा – गैर आवासिय नेपाली संघका अध्यक्ष कुमार पन्तले २ महिना भित्रै लाप्राकमा बनिरहेको घर निर्माण सम्पन्न गरेर हस्तान्तरण गर्ने बताए ।
निर्वाचन जिते पछि पहिलो पटक गृह जिल्ला आएका अध्यक्ष पन्ले जिल्लाका सञ्चारकर्मीहरुको जिज्ञासामा बस्ती निर्माण ढिला भएको स्विकार गर्दै अबको २ महिना भित्र सबै संरचना तयार गरेर बस्ती हस्तान्तरण गर्ने कुरा बताएका हुन ।
संघले लाप्राकको गुम्सी पाखामा निर्माण गरीरहेको घरहरुको लागि धार्चे गाउँपालिकाले आवश्यक काठ तथा शौचालय निर्माणका लागि खाड्ल खनिदिनुपर्ने सहमती भएको थियो । शौचालयका लागि खाड्ल खन्ने काम पुरा नहुदा निर्माण कार्य ढिला भएको भन्दै जति सक्दो चाढो काम सम्पन्न गरेर बस्ती हस्तान्तरण गरीने अध्यक्ष पन्तले बताए ।
गोरखा जिल्लामा पर्यटनको अथा संभावना देखिएको भन्दै अध्यक्ष पन्तले उत्तरी गोरखा र बुढी गण्डकी क्षेत्रमा पर्ने ठाउँहरुमा पर्यटन र कृषी क्षेत्रमा लगानी गर्ने सोचका साथ नेपाल सरकार संग छलफल भई रहेको समेत बताए ।
पर्यटक बर्ष २०२० का लागि संघले गर्ने सहयोगको बिषयमा अध्यक्ष पन्तले नेपाल सरकारको अनुरोध अनुसार नै एनआरएनएले संघमा आवद्व राष्ट्रिय समन्वय परिषदलाई पत्राचार गर्ने काम भई सकेको बताए । पन्तले नेपाली कुटनितिक नियोग भएको स्थानमा उनिहरु संग र नभएको स्थानमा संघका सदस्यहरुले पर्यटन बर्ष २०२० लाई सफल पार्न छलफल चलाई सकेको बताए ।
