गोरखा समाचारदाता
पोखरा – नेपालीहरुको दोश्रो ठुलो चाड तिहारमा हुने कालोबजारी, अनियमितता र सामाजिक विकृती नियन्त्रणलका लागि नारी जागरण अभियान पोखराले सरोकार वालालाई खवरदारी गरेको छ ।
केन्द्रले जिल्ला प्रहरी कार्यालय कास्कीका प्रमुख एसपी दानवहादुर कार्कीलाई भेटेर तिहारका नाममा हुने सवै खाले सामाजिक विभेद, कालोवजारी र बिकृतीलाई रोक्नका लागि पहल गरिदिन अनुरोध गरेको हो ।
केन्द्रकी संयोजक अञ्जु केसीले तिहारमा रक्सी र जुवातासमा लाग्नेहरुलाई नियन्त्रण गर्न अनुरोध गरेकी थिईन । उनले पर्वहरुलाई विकृति रहित र मौलिक रुपमा मनाउने वातावरण सिर्जना गर्न अभियानले वेला वेलामा आवश्यक कार्यक्रम र जनचेतना संचालन गर्ने गरेको पनि बताईन । सँग सँगै देउसी भैलोको नाममा हुने विकृती र अन्य खालका असामाजिक कृयाकलापवाट बच्न र समाजलाई बचाउन पनि अनुरोध गरेकी थिईन ।
जिल्ला प्रहरी प्रमुख कार्कीले सधै जनचासोका विषयमा चनाखो रहेने धारणा राखे । कार्कीले हामी समाज सहि तरिकाले चलोस् भन्ने चाहन्छौ । त्यसको लागि हामीले गर्नु पर्ने सबै कामको सक्रियतालाई क्रियासिल राख्छौ र राख्ने पनि बताए ।
