गोरखा समाचारदाता
गोरखा – म्याग्दीमा आज एनसेलको टावर बनाउन प्रयोग गरीएको जिप माथि आगजनी भएको छ । आगलागी कसले गरेको भन्ने पत्ता लागेको छैन ।
बेनि नगरपालिका ३ को भकिम्ली मुसुङडोमा रहेको एनसेलको टावर बनाउन कर्मचारीहरु लिएर गएको बा.१३ च ८४३४ नम्बरको बोलेरो जिपलाई अज्ञात ब्यक्तिहरुले आगजनी गरेको जिल्ला प्रहरी कार्यालय म्याग्दीले जानकारी दिएको छ ।
प्रहरीले दिएको जानकारी अनुसार भकिम्ली मुसुङडोका स्थायिन डिलबहादुर थापाको घर अगाडी रोकी राखेको जिपलाई अज्ञात ब्यक्तिहरुले शुक्रबार दिउसो २ बजे आगजनी गरेका थिए ।
जिप आगलागी हुदा प्राविधिक कर्मचारीहरुले प्रयोग गरेको २ थान ल्यापटप र १ थान मोबाईल समेत जलेर नष्ट भएको छ ।
घटनामा संलग्नहरुको खोजी भई रहेको कार्यालयले जानकारी दिएको छ ।