गोरखा समाचारदाता
गोरखा – गोरखा सदरमुकामको कोखे आहालेमा सामुदायिक बिकास केन्द्र भवन निर्माण सम्पन्न भएको छ ।
नगरपालिकाको वडा नम्बर २ कोखे आहालेमा महिलाहरुको सिप विकासका लागि बहुउदेश्यीय सामुदायिक बिकास केन्द्र भवन निर्माण भएको हो ।
कोरिया होप फाउण्डेशन र गोरखा नगरपालिकाको आर्थिक सहयोग तथा सोड नेपालको समन्वयमा भवन निर्माण भएको हो । निर्माण सम्पन्न भएको भवनका लागि ७७ लाख खर्च भएको गोरखा नगरपालिकाले जानकारी दिएको छ ।
नव निर्मित भवनको एक कार्यक्रम बिच उद्घाटन गर्दै गोरखा नगरपालिकाका उप प्रमुख बिनाकुमारी श्रेष्ठले महिलाहरुको क्षमता विकासका लागि भवन सहयोगि सिद्व हुने विश्वास ब्यत्त गरीन । उनले महिलाहरुलाई व्यवसायिक रुपमा अघि बढान पनि सिपमूलक तालिम आवश्यक रहेको बताए ।
भवनमा स्थानीय कृषि उत्पादन भण्डारण गरेर बजार व्यवस्थापनमा सहयोग पुरयाउने लक्ष्य राखिएको वडाध्यक्ष रहमतुल्ला मियाले बताए । उत्त भवनमा सिपमूलक तालिम समेत संचालनमा पनि गरिने छ ।
बजार व्यवस्थापन लागि कर्मचारी राख्ने तयारी समेत पुरा भएको छ ।
