गोरखा समाचारदाता
गोरखा – केही बर्ष यता गोरखाको विभिन्न स्थानमा घर पालुवा जनावर चितुवाको आहारा बन्न थालेको छ । चितुवाले जिल्ला सदरमुकामका साथै भिमसेन थापा, शहिद लखन र बारपाक सुलिकोट गाउँपालिका र पालुङटार नगरपालिकामा क्षति पुरयाएको हो ।
चितुवाले मानिसलाई आक्रमण नगरे पछि घर पालुवा जनावरलाई आहारा बनाउ थाले पछि डिभिजन बन कार्यालयमा उजुरीको खात लाग्न थालेको छ । कार्यालयले दिएको जनाकारी अनुसार यसै आर्थिक बर्षको पछिल्लो ३ महिना पुरा हुन लाग्दा ४५ घर पालुवा जनावरलाई चितुवाले आहारा बनाएको भन्दै निवेदन परेको जानकारी दिएको छ ।
बन्यजन्तुले गर्ने क्षतिबाट नेपाल सरकार मार्फत किसानहरुले राहत पाउने भए पछि असोजको तेस्रो साता सम्ममा ३३ किसानले आफ्नो ४५ घरपालुवा जनावरलाई चितुवाले आक्रमण गरी मारेको भन्दै निवेदन दर्ता गराएका छन ।
निवेदन दर्ता गराएका सबैलाई डिभिजन कार्यालयको सिफारीसमा मनास्लु संरक्षण क्षेत्र आयोजनाको कार्यालयले ४ लाख १३ हजार ४१३ रुपैयाँ क्षेतिपुर्ती बापत उपलब्ध गराई सकेको सम्र्पक कार्यालय गोरखाले जानकारी दिएको छ ।
कार्यालयमा परेको निवेदन अनुसार २६ बाख्रा, ११ बोका, ६ खसी, १ पाडी र १ गोरु लाई चितुवाले आक्रमण गरी मारेको छ । गत बर्ष भने चितुवाले ८४ घरपालुवा जनावरलाई आक्रमण गरी क्षति पुरयाएको थियो ।
तस्विर गुगल
