गोरखा समाचारदाता
गोरखा – नेपाल प्रहरीको ६४ औं प्रहरी दिवश २०७६ गोरखामा विभिन्न कार्यक्रम गरी सम्पन्न गरीएको छ ।
जिल्ला प्रहरी कार्यालय गोरखाको परिषरमा गरीएको कार्यक्रममा अमर प्रहरी स्मारकमा माल्र्यापण गरीनुका साथै उपस्थित सबैले पुष्प गुच्छा समेत चढाएका थिए ।
गोरखा नगरपालिकाका मेयर राजनराज पन्तको प्रमखु आतिथ्यतामा भएको कार्यक्रममा जिल्ला प्रहरी कार्यालय गोरखा र मातहातमा कार्यरत उत्कृष्ठ प्रहरी कर्मचारीहरुलाई पुरस्कार प्रदान गरीनुका साथै पत्रकार महासंघ गोरखा शाखालाई सम्मान पत्र दिईएको थियो ।
प्रहरी दिवशको पुर्व सन्ध्यामा आयोजित मेन्स डबल ब्याडमिन्टन प्रतियोगिताका विजयीहरुलाई कार्यक्रममा नेपाली सेनाको रणसिंह दल गणका गणपती उज्वल केसीले सम्मान गरेका थिए ।
दिवशकै क्रममा कार्यक्रममा प्रमुख जिल्ला अधिकारी देवेन्द्र लामिछानले अनुन्धानमा सहयोग पुरयाउने प्रहरीलाई सम्मान गरेका थिए भने चोरी भएका केही मोबाईल समेत मोबाईल धनीलाई हस्तान्तरण गरीएको जिल्ला प्रहरी कार्यालय गोरखाले जानकारी दिएको छ ।
कार्यक्रममा नै जिल्लाको विभिन्न स्थानमा प्रहरी चौकी स्थापनाका लागि जग्गा दान दिने जग्गा दाता, सामुदायिक प्रहरी सेवामा सहयोग पुरयाउनेहरुलाई सम्मान गरीएको थियो । सोही कार्यक्रममा अमर प्रहरी परिवारलाई दोसल्ला ओडाएर सम्मान गरिएको थियो ।
