गोरखा समाचारदाता
गोरखा – गोरखा सदरमुकामको फिनाममा दशैं तिहार शुभ कामना कार्यक्रम सम्पन्न भएको छ ।
समुन्नती युवा क्लबको आयोजनामा गोरखा नगरपालिका ४ को पधेराचौर बाँनिया गाउँमा भएको प्रथम वडा दशैं तथा शुभ दिपावली कार्यक्रम २०७६ को गोरखा नगरपालिकाका मेयर राजनराज पन्तले उदघाटन गरेका थिए ।
प्रमुख अतिथी समेत रहेका पन्तले नगरपालिकाले दिर्घकालिन विकासलाई महत्व दिएकोले गाउँ र वडाको बिकासमा क्लबलाई नगरपालिकाले हातेमालो गरेर अगाडी बडने बताए । कार्यक्रममा बोल्दै मेयर पन्तले क्लबले समाजको बिकास संगै धर्म संस्कृतीको समेत रक्षा गर्ने तर्फ लागेकोमा खुशी ब्यत्त गरे ।
क्लबले आयोजना गरेको कार्यक्रममा पन्तले स्थायिन स्तरमा रहेका जेष्ठ नागरिकहरुलाई सम्मानका साथै समाजमा योगदान दिएका र एसईईमा राम्रो अंक ल्याउने छात्रालाई समेत दोेसल्लाह, प्रमाण पत्र र नगद दिएर सम्मान गरेका थिए ।
गोरखा नगरपालिकाको आर्थिक सहयोगमा भएको उत्त हाडी फुटाई, महिला मेच घुमाई, लोकदोहरी, हाँस्य नृत्य र बालबालिकाहरुको नृत्य प्रतियोगिता समेत गरीएको थियो ।
क्लबका अध्यक्ष भूवनबहादुर खड्काको अध्यक्षमा भएको कार्यक्रमलाई ४ नम्बर वडाका वडाध्यक्ष खोपबहादुर अधिकारीले समेत सम्बोधन गरेका थिए ।
